26 От ыйа 26.07
  • 16°
  • $ 85,41
  • 93,17

Бүлүү куоратыгар Марк Жирков аатынан култуура дыбарыаһа аһылынна

11:01, 11 марта 2021
Текст:
Читайте нас на
Яндекс Новости
ЯДВ

Бүлүү куоратыгар бэҕэһээ икки этээстээх култуура дыбарыаһын астылар. Саха сирин бастакы профессиональнай композиторын Марк Николаевич Жирков аатын сүгэр эбийиэк «АЛРОСА» АК үбүнэн тутуллубут.


Дыбарыас аһыллыытыгар вице-премьер Сергей Местников кыттыыны ылла. Кини саҥа эбийиэк улуус дьоҕурдаах ыччатын, талааннаах дьонун түмүө, сомоҕолуо, үлэҕэ сонун сүүрээни киллэриэ диэтэ.

Бастакы этээс 2,8 тыһ кв м иэннээх. Манна икки холл, ааҕар саалалаах бибилэтиэкэ, артыыстар хосторо, костюмернай, бутафорскай хостор, мастарыскыай, буфет, 250 көрөөччү киирэр, балконугар эбии миэстэлэрдээх кэнсиэртиир саала бааллар. Иккис этээскэ – үҥкүү, тыйаатыр саалалара, исписэлиистэр хосторо, аппаратнай, компьютернай хостор бааллар.

Саҥа дьиэ тыас-уус өттүнэн аныгылыы хааччыллыылаах. Доруобуйаларынан хааччахтаах дьон сылдьарыгар табыгастаах гына оҥоһуллубут. Манна оройуоннааҕы култуурунай сайдыы уонна норуот айымньытын Киинэ олохсуйуо.

Следите за самым важным и интересным в Telegram-канале и WhatsApp-группе ЯСИА