Судаарыстыбаннай уонна официальнай тыллары харыстааһыҥҥа уонна сайыннарыыга 2023 сылга үбүлээһин, Ил Дархан Айсен Николаев быһаарыытынан, 100 мөл солк диэри улаатта. Бырагыраама туолуутун тустаах Сэбиэт мунньаҕар көрдүлэр.
Бырайыактар ортолоругар — саха тылын сертификациялыыр киини тэрийии, «Төрүт тыллар» төрөөбүт тылы үөрэтии платформалара, «ilken.news» аҕыйах ахсааннаах төрүт норуоттар сонуннарын, омук тылыгар тылбаастаах, портала, тылы үөрэтиигэ сыһыарыылар.
Интерактивнай музейга электроннай библиотека тэриллэр уонна да атын дьаһаллар ылыллаллар.
2022 сыллаахха үбүлээһин 56,6 мөл солк, 38 бырайыак үлэлээбитэ.
