14 От ыйа 14.07
  • 16°
  • $ 87,74
  • 95,76

Атырдьах ыйын 2 күнэ. Саха сиригэр техникумнар үөскээбиттэр - Бикипиэдьийэ

09:01, 02 августа 2021
Текст:
Читайте нас на
Яндекс Новости
ЯДВ

Бүгүн Арассыыйаҕа, Беларуська, Казахстааҥҥа, Украинаҕа десантниктар күннэрэ.

1930 сыллаахха саас тэриллибит орто анал тэхиничэскэй үөрэх политехникумун оннугар техникумнар ситимнэрэ үоскээбит. Ити сыл Дьокуускайга суол-тутуу уонна тутуу техникумнара аһыллыбыттар. 

1934 сыллаахха Германия бэрэсидьиэнэ Гинденбург өлбүт, бу кэнниттэн бэрэсидьиэн уонна рейхсканцлер дуоһунастара холбоноллорун туһунан референдум ыытыллыбыт, ол түмүгүнэн Адольф Гитлер Германия фюрера буолбут.


Бэлиэ күннэр:

Түбэлтэлэр:

  • Б.Э.И. 338 — Македония аармыйата холбоһуктаах Греция куораттарын сэриитин Херонея кыргыһыытыгар кыайбыт. Кыргыһыы түмүгэр Македония уонна Греция күүстэрэ холбонон сотору кэминэн Персия импиэрийэтигэр саба түспүттэрэ.
  • Б.Э.И. 216 — Аатырбыт Канна кыргыһыытыгар Ганнибал баһылыктаах Карфаген аармыйата бэйэтинээҕэр элбэх ахсааннаах Рим аармыйатын төгүрүктээн кыайбыт.
  • Биһиги эрабыт буолуон иннинэ 47 сыллаахха — Юлий Цезарь Понт ыраахтааҕыта Фарнак сэриитин Зеле таһыгар үлтүрүппүт. Ол кэннэ, үһүйээн кэпсииринэн: «Кэллим, көрдүм, хоттум», — диэн эппит.
  • 1802 — Франция көнүстүүссүйэтигэр уларытыы киллэрэр куоластааһын түмүгэр Наполеон олоҕун тухары консулунан анаммыт.
  • 1918 — Дьокуускайга айаннаан иһэр поручик Гордеев быһылыктаах үрүҥ этэрээт Өлүөхүмэ куоратын ылбыт.
  • 1930 — БКП(б) Саха сиринээҕи обкомун дьаһалынан саас тэриллибит орто анал тэхиничэскэй үөрэх политехникума реорганизацияламмыт. Кини оннугар техникумнар ситимнэрэ үоскээбит. Саҥа техникумнар биэдэмэстибэлэргэ сыһыарыллыбыттар.
  • 1930 — Дьокуускайга суол-тутуу уонна тутуу техникумнара аһыллыбыттар. 1933 сыл атырдьах ыйын 17 күнүгэр Саха АССР Совнаркомун уурааҕынан ити икки технукуму холбоон тутуу техникумун үөскэппиттэр. 1939 сыллаахха автотранспортнай техникум буолбута, онтон 1947 сыллаахтан ыла — Дьокуускайдааҕы дьиэ-уот уонна тутуу техникума. 1960-1990 сылларга Алданнааҕы хайа техникумугар сыһыарылла сылдьыбыта.
  • 1934 — Германия бэрэсидьиэнэ Гинденбург өлбүт, бу кэнниттэн бэрэсидьиэн уонна рейхсканцлер дуоһунастара холбоноллорун туһунан референдум ыытыллыбыт, ол түмүгүнэн Адольф Гитлер Германия фюрера буолбут.
  • 1939 — Германияттан күрээбит физик учуонайдар Альберт Эйнштейн уонна Лео Силард АХШ бэрэсидьиэнигэр ядернай сэрии сэбин оҥорон саҕалыырга ыҥырар сурук суруйбуттар.
  • 1940 — Молдавия Сэбиэскэй Сэссийэлиистии Өрөспүүбүлүкэтэ үөскээбит.
  • 1945 — Иккис аан дойду сэриитэ: Потсдамнааҕы кэмпириэнсийэ түмүктэммит.
  • 1990 — Ираак Кувейтка саба түспүт.
  • 2019 — Арассыыйа уонна АХШ ыккардыларынааҕы орто уонна кыра ракеталары суох гынар туһунан сөбүлэҥ тохтотуллубут.

Төрөөбүттэр:

  • 1903 — Борис Долин (1976 өлб.), сэбиэскэй кинорежиссёр, «Хочу все знать» киинэ сурунаалы олохтообут киһи.
  • 1927 — Мария Канаева — Саха АССР үтүөлээх артыыската.
  • 1933 — Василий Долгунов — РФ уонна Саха АССР оскуолаларын үтүөлээх учуутала, педагогика билимнэрин хандьыдаата.

Өлбүттэр:

  • 2003 — Владимир Голованов (1938 с. Саха АССР Батамай сэлиэнньэтигэр төр.), сэбиэскэй штангист, Олимпиада чөмпүйүөнэ (Токио, 1964).
Следите за самым важным и интересным в Telegram-канале и WhatsApp-группе ЯСИА