Саха сириттэн сулууспалыыр байыаннайдарга гуманитарнай көмө, ситиһиилээхтик бойобуой соруктары толорууга анал техническай сириэстибэ тиксэрилиннэ.
Гуманитарнай таһаҕаһы регион салалтатын дьаһалтатын салайааччытын солбуйааччы Михаил Гасанбалаев, тас сибээс миниистирин бастакы солбуйааччыта Сергей Хатылыков, президеҥҥэ Саха сириттэн бастайааннай бэрэстэбиитэл бастакы солбуйааччыта Александр Сафронов, норуот депутата Николаев Бугаев састааптаах бөлөх тириэртэ.
Донецкайга уонна Луганскайга баһылыктар дьаһалталарын салайааччыларын кытта оробуочай көрсүһүүлэр буоллулар. Докучаевскай оскуолатыгар патриотическай бэлэх оҥоһулунна — канцелярскай уонна да атын тэриллэр, суруйда регион салалтатын пресс-сулууспата.
