Бу күн Нью-Йоркка «Көҥүл Статуята» аһыллыбыт, Microsoft корпорация төрүттээччитэ Билл Гейтс 65 сааһын бэлиэтиир. Анимация (ойуулук) күнэ 1892 сыллаахха Парижка бастакы хамсыыр ойуулары көрдөрбүттэрин кытары ситимнээх. Ойуулук киинэтээҕэр 20-чэ сылынан аҕа.
Алтынньы 28 диэн Грегориан халандаарыгар сыл 302-с күнэ (ордук хонуктаах сылга 303-c күнэ). Сыл бүтүө 63 күн баар.
Бэлиэ күннэр:
- Аан дойдуга Ойуулук күнэ (ааҥл. International Animation Day). 1892 сыллаахха Парижка бастакы хамсыыр ойуулары көрдөрбүттэр.
- Греция — Оха күнэ. 1940 сыллаахха фашистыы Италия ультиматумугар Греция «суох» («’Οχι») диэн хоруйдаабыта уонна бас бэриммэтин биллэрбитэ.
- Украина — Украина фашист халабырдьыттартан босхолонуутун күнэ.
Түбэлтэлэр:
- 1886 — Нью-Йоркка Көҥүл Статуята аһыллыбыт, АХШ тутулуга суох буолуутун сүүс сылыгар Франция бэлэҕэ. Толору аата — «Аан дойдуну сырдатар көҥүл».
- 1918 — Чехословакия Австро-Венгрияттан тутулуга суоҕун биллэрбит. 75 сылынан 1993 сыллаахха Чехия уонна Словакия тус-туспа арахсыспыттара.
- 1942 — Аляска трассата Алясканы Хотугу Америка суолларын ситимигэр холбообут. Бу трасса Аляскаттан Соҕуруу Америка соҕуруу уһугар диэри тыргыллар Панамерикан шоссе сорҕото буолар.
- 1965 — Рим папата Павел VI дьэбириэй омугуттан Киристиэһи өлөрбүт буруйу устубут.
- 2002 — Москубаҕа Саха Өрөспүүбүлүкэтин күннэрэ аһыллыбыттар. ВВЦ-га 5№ павильоҥҥа СӨ ситиһиилэрин көрдөрүү саҕаламмыт. Манна «АЛРОСА» алмааһы хостуур сирдэриттэн хомуллубут кимберлииттэр сэдэх коллекциялара, аатырбыт алмаастар стразтара, аныгы техника көрүҥнэрэ көрдөрүүгэ турбуттар.
- 2013 — АЛРОСА хампаанньа IPO ыыппыт, хампаанньа 16 бырыhыаннаах аахсыйалара (сэттэлии бырыhыан аахсыйалар — Арассыыйа Федерацията уонна Саха Өрөспүүбүлүкэтин бырабыытылыстыбата, эбиитин 2 бырыhыан – квазиказначейскай үп докумуона) атыыга барбыттар. IPO тyмyгэр, 41,3 миллиард солкуобай киирбит (1,3 миллиард АХШ доллара).
Төрөөбүттэр:
- 1937 — Владимир Рагозин — «Алданзолото» бульдозериһа, Социалистыы Үлэ Дьоруойа.
- 1941 — Светлана Николаева — 1986-1991 сылларга Саха АССР култууратын миниистирэ, СӨ народнай хаһаайыстыбатын үтүөлээх үлэһитэ, СӨ социальнай сулууспатын туйгуна, Амма улууһун Ытык олохтооҕо.
- 1955 — Билл Гейтс — АХШ урбаанньыта уонна түмэт диэйэтэлэ, Microsoft корпорация төрүттээччитэ, өр сылларга аан дойду саамай баай киһитэ буола сылдьыбыта.
- 1967 — Семен Яковлев — 2008—2013 сылларга Чурапчы улууhун баhылыга, СӨ народнай хаһаайыстыбатын үтүөлээх үлэһитэ (2017).
Өлбүттэр:
- 1702 — Джон Локк — Либерализм аҕата диэн биллэр Англия бөлүһүөгэ уонна физигэ.
- 2002 — Павел Иванов — Саха АССР транспорын үтүөлээх үлэһитэ, Социалистыы Үлэ Дьоруойа.
- 2007 — Александра Серкина — ангиохирург (тымыр хирурга), мэдиссиинэ билимин дуоктара, профессор, Иркутскайдааҕы государственнай медицинскэй университет уопсай хирургиятын кафедратын сэбиэдиссэйэ, Иркутскай куоратын Ытык киһитэ.
- 2011 — Алексей Шадрин — 1997—2002 сылларга Чурапчы улууһун баһылыга, Саха Өрөспүүбүлүкэтин уонна Чурапчы улууһун ытык киһитэ.
