22 От ыйа 22.07
  • 21°
  • $ 88,02
  • 96,04

Алта кэмпилиэк байыаннай таҥас Кэмпэндээйиттэн барда

14:29, 05 февраля
Текст:
Хаартыска: Сунтаар сонуннара хаһыат
Читайте нас на
Яндекс Новости
ЯДВ

«Илии сылааһа» диэн ааттаах анал байыаннай дьайыыга сылдьар уолаттарбытыгар таҥас-сап тигиитин күрэҕэ түмүктэннэ. Манна Сунтаар улууһуттан 8 хамаанда кыттыбытыттан 2-тэ Кэмпэндээйиттэн кытынна.

5-тии киһилээх хамаандаларга саастаах да, эдэр да ийэлэр кытыннылар. 4 күнү быһа түүннэри-күнүстэри күүстээх үлэ түмүгэр, барыта 6 кэмпилиэккэ 70 араас таҥаһы тиктилэр. Кыттааччылар тэрээһин кэннэ бэйэлэрин санааларын эттилэр.

Маргарита Иванова: «Биһиги барыта 10 буолан эйэ дэмнээхтик, бэйэ-бэйэҕэ сүбэлэһэн үлэлээбиппититтэн астынным. Бу курэххэ баал да хомуспатарбыт анал байыаннай дьайыыга сылдьар уолаттарбытыгар күүс-көмө буоллубут диэн үөрэ сылдьабыт»,- диэн эттэ.

«Кэрэ кэм» хамаанданы салайбыт Александра Герасимова: «Кыра Кэмпэндээйибитигэр икки хамаанданы кытыннаран сүҥкэн улахан дьыаланы оҥордубут, бэйэ-бэйэбититтэн иистэнэргэ уопут ыллыбыт. Хамаандаларга эдэрдэр да, саастаахтар да бааллар. Аҕам саастаахпыт Зоя Сымытова сылдьыста«.

Оттон «Туус Кэнэли» хамаанда салайааччыта Вера Семенова: «Инники өттүгэр анал байыаннай дьайыыга көмөлөһөргө анаммыт маннык ыытыллар туһалаах үлэлэргэ хамаанданан кыттарга өрүү бэлэммит«, — диэн түмүктээтэ. Олохтоох дьаһалта тигиллибит таҥастары Сунтаарга тиксэрдэ.

Ааптар: Татьяна Местникова, бибилэтиэкэр, Сунтаар сонуннара хаһыат

Следите за самым важным и интересным в Telegram-канале и WhatsApp-группе ЯСИА