Аллараа Халыма оройуонун 24 саастаах олохтооҕо биэнсийэлээх кыбартыыратыгар киирэн 5 тыһыынча солкуобайы уорбут, — диэн СИА кэпсиир.
«Уорбаланааччы эмсэҕэлээбит киһи ханна олорорун эрдэттэн билэр эбит. Кыбартыыраҕа тоҥсуйан баран, хаһаайын аанын аһан истэҕинэ муостаҕа анньан түһэрбит уонна харчы ирдээбит. Саастаах эр киһи куттанан 5 тыһыынча солкуобайы биэрбит», — диэн өрөспүүбүлүкэ ИДьМ пресс-сулууспатыгар иһитиннэрдилэр.
Уорбаланааччы үбүн- харчытын сорҕотун арыгыга уонна аска-үөлгэ бараабыт. Силиэстийэ кэмигэр, манна маарынныыр буруйу оҥоро сылдьыбыта биллибит. Бу быһылаан чахчытынан холуобунай дьыала тэрилиннэ. Эдэр киһи 7 сыл болдьохтоох хаайыыга киириэн син.
