18 Тохсунньу 18.01
  • -48°
  • $ 73,82
  • 83,32

Алексей Стручкову Саха сирин 1-кы вице-премьера - экономика миниистирэ дуоһунаһыгар депутаттар бигэргэттилэр

16:23, 01 июня 2016

Алексей Стручков кандидатуратын Саха сирин 1-кы вице-премьера — экономика миниистирэ дуоһунаһыгар Ил Түмэн экономикаҕа, инвестицияҕа уонна промышленноска политикатын, предпринимательствоҕа, туризмҥа уонна инфраструктураны сайыннарыыга сис кэмитиэтин мунньаҕар бигэргэттилэр. 


Алексей Стручкову Галина Данчикова билиһиннэрдэ. Кини Стручков профессионал быһыытынан хаачыстыбатын, үлэтин биографиятын, дуоһунаска киирдэҕинэ тугунан дьарыктаныахтааҕын кэпсээтэ.

Депутаттар Алексей Стручковка хас да ыйытыы биэрдилэр. Холобур, Владимир Федоров Саха сиригэр ниэби оҥорон таһаарар собуот тутуутун инникитин хайдах көрөрүн туоһуласта. Онуоха «Бу боппуруос дьүүллэһиигэ турбута 20 сыл буолла. Араас этии баар. Ити эрээри араас биричиинэнэн туола илик. Сүрүн биричиинэтинэн кыаҕын толуйумматыгар буолар. Бородууксуйатын ис эрэ ырыынакка туттуохпут. Тоҕо диэтэххэ аттыбытынааҕы регионнарга хайы-сах итинник собуоттар бааллар», — диэн быһаарда Алексей Стручков. Кини этэринэн, онон гааһы оҥорон таһаарыыга болҕомто ууруллуо.

Алексей Стручков кандидатуратын бигэргэтиигэ депутаттар бары сөбүлэһэллэрин биллэрдилэр.

0
0
18 января 18.01
  • -48°
  • $ 73,82
  • 83,32