21 От ыйа 21.07
  • 25°
  • $ 88,02
  • 96,04

Айсен Николаев: Владимир Путин эппит соруктара Саха сирин сайдыытыгар олус суолталаахтар

09:27, 15 декабря 2023
Текст:
Хаартыска: ЯСИА саайтан
Читайте нас на
Яндекс Новости
ЯДВ

Российскай Федерация Президенэ Владимир Владимирович Путин бэҕэһээ, ахсынньы 14 күнүгэр быһа линията улахан пресс-конференциятын кытта кыттыгас буолла. Судаарыстыба баһылыга Россия олохтоохторун кытта аһаҕас кэпсэтии ыытта. 4 чаас 4 мүнүүтэ барда. Президент 67 ыйытыыга эппиэттээтэ.

Тэрээһин бүппүтүн кэннэ Ил Дархан Айсен Николаев бэйэтин телеграм-ханаалыгар суруйда:

— Саха сирин олохтоохторугар президент субсидиялаах авиарейстар уонна чэпчэтиилээх ипотека туһунан этиилэрэ буоллулар. Өссө биир Саха сиригэр олус суолталаах этиинэн – доруобуйа харыстабылын бастакы звенотун өйүүргэ национальнай бырайыак салгыы үлэлиирин туһунан этиитэ буолла. Бу хайысхаҕа элбэх оҥоһулунна. Холобур, соторутааҕыта Владимир Владимирович Таатта улууһугар аныгы поликлиника арыллыытыгар кыттыыта буолар.

Саха сирин уонна Уһук Илин сайдыытыгар илиҥҥи хайысхаҕа транспорт инфраструктуратын сайдыытыгар этиитэ эмиэ биһиги региоммут сайдыытыгар улахан оруоллаах. Бу соруктар — Президент болҕомтотугар бааллар.

Саха сирэ дойду сайдыытыгар улахан кылааты киллэрэринэн киэн туттабын. Биһиги өрөспүүбүлүкэбит нэһилиэнньэ ахсаана элбииригэр Уһук Илиҥҥэ бастакы, дойдуга сэттис миэстэлэргэ турар, уокурукка социальнай газификацияҕа бастакы, цифровой сайдыыга уонна креативнай экономикаҕа лидердар ортолоругар баарбыт. Элбэх ахсааннаах норуоттар түмсэн олорор өрөспүүбүлүкэ олохтоохторун ааттарыттан биһиги Президеммитигэр махталбытын биллэрэбин — өйөбүлүҥ, болҕомтоҥ иһин! Бары бииргэ иннибит диэки!

Следите за самым важным и интересным в Telegram-канале и WhatsApp-группе ЯСИА