24 Ыам ыйа 24.05
  • -7°
  • $ 104,68
  • 115,6

2035 сылга Россия Арктикатыгар оробуочай идэлэргэ 182 тыһыынча саҥа үлэ миэстэтин таһаарыллыаҕа

15:01, 22 декабря 2021
Текст:

2020 сылга кадрга наадыйыыга ырытыы түмүгүнэн, 2035 сылга Россия Арктикатыгар оробуочай идэлэргэ 182 тыһыынча саҥа үлэ миэстэтин таһаарыахтара. Бу туһунан I Арктикатааҕы «PROконсолидация — Якутия» форумҥа Уһук Илини уонна Арктиканы сайыннарыыга миниистири солбуйааччы Марат Шамьюнов эттэ, суруйар СИА.

Марат Шамьюнов эппитинэн, Арктика зоната — дойду геостратегическай интэриэһин макроэкономическай региона. Иккис өттүнэн, айылҕа кыаҕа, хотугу муора суола, Арктика эргимтэтин сайыннарыыга судаарыстыба интэриэһин ылар тырааныспар коммуникацията.

«Сорох регионнартан дьон көһүүтэ бэлиэтэнэр. Үлэҕэ бэйэ кыаҕын туһаныы кыаллыбат. Ити эрээри бу Саха сирин таарыйбат. Өрөспүүбүлүкэ нэһилиэнньэтэ улаатара бэлиэтэнэр, лидердар ортолоругар сылдьар.  Бу инникигэ кыаҕы үөскэтэр.  2020 сыллаахха ыытыллыбыт кадрга наадыйыы анаалыһа көрдөрөрүнэн, 2035 сылга Россия Арктикатыгар оробуочай идэлэргэ 182 тыһыынчаттан тахса саҥа үлэ миэстэтэ таһаарыллыаҕа. 60% — орто звено исписэлиистэрэ уонна квалификациялаах оробуочайдар, сулууспалаахтар, 40% — үрдүк үөрэхтээх исписэлиистэр», — диэтэ салайааччы.

Сиһилии https://ysia.ru/marat-shamyunov-k-2035-godu-v-arkticheskoj-zone-rossii-planiruetsya-sozdanie-182-tysyach-rabochih-mest/

Следите за самым важным и интересным в Telegram-канале и WhatsApp-группе ЯСИА
0
0