24 От ыйа 24.07
  • 28°
  • $ 87,3
  • 95,46

Юрист сүбэтэ: Урбаанньыттарга көмө

Читайте нас на
Яндекс Новости
ЯДВ

Александра Владимировна Копцева – Босхо юридическай көмө сулууспатын дириэктэрэ, чааһынай юрист. Дьиэ-уот, сир боппуруостарыгар идэтийэр. Ону тэҥэ, дьиэ кэргэн, нолуок, үлэ боппуруостарынан дьарыктанар, туһанааччылар бырааптарын көмүскүүр.


Муус устар 24 күнүгэр РФ бырабыыталыстыбата пандемия кэмигэр эмсэҕэлээбит биисинэс үлэһиттэригэр субсидиялары биэрэр туһунан уурааҕы таһаарбыта.
Усулуобуйата:
— кулун тутар 1 күнүгэр диэри нолуокка, усунуоска иэс 3 тыһыынчаттан үрдүк буолуо суохтаах;
— кулун тутарга үлэ миэстэтин 90% хаалларбыт.
Усулуобуйаны толорбут буоллаҕына, урбаанньыкка хас биирдии үлэһитигэр 12 130 солкуобай суумалаах субсидияны биэрэллэр. Урбаанньыт үлэһитэ суох буоллаҕына, бэйэтигэр эмиэ төлөнөр. Муус устардааҕы субсидияны ыларга бэс ыйын 1 күнүгэр диэри нолуок управлениетыгар сайабылыанньаны ыытыахха наада.
Көмөнү барыларыгар биэрбэттэр, пандемияттан эмсэҕэлээбиттэрэ бигэргэммит буоллаҕына эрэ. Ылан көрдөххө, чааһынай тэрилтэ үлэһитэ сайыҥҥа диэри ити субсидияны кэтэһэн олоруоҕунааҕар, уурайан баран, үлэтэ суох буолуу босуобуйатын ылбыта ордук курдук (16 982 солкуобай + 3000 солкуобай хас биирдии оҕоҕо).
Ону тэҥэ, урбаанньыт куортамын уһатыахтарын, кирэдьиит каникулунан туһаныан сөп. Ыам ыйын 11 күнүгэр эбии көмө миэрэлэрэ ылыллыбыттара. Бэс ыйын 1 күнүттэн урбаанньыт үлэһиттэригэр хамнас төлүүрүгэр 2%-наах кирэдьиит биэрэллэр. Кирэдьиит суумата: хас биирдии үлэһиккэ 12 130 солкуобай 6 ыйга төгүллэммитин саҕа кээмэйдээх. Үлэһит ахсаанын 90% хааллардаҕына кирэдьиит толору сотуллар, 80% буоллаҕына – кирэдьиит аҥаара сотуллар. Бу көмө эмсэҕэлээбит диэн бигэргэммит салааларыгар бэриллэр (nalog.ru киирэн, ОКВЭД нүөмэринэн көрүөххүтүн сөп).

2020 сыл иккис кыбаарталыгар нолуоктар уонна страховой усунуостар (НДС-тан ураты) сотуллаллар. Урбаанньыттарга нолуоктарын төлүүллэригэр биир МРОТ кээмэйин саҕа (12 1030 солкуобай) суума бэриллэр.

Источник: © edersaas.ru сайтан: http://edersaas.ru/yurist-s-bete-urbaannyttarga-k-m/

Следите за самым важным и интересным в Telegram-канале и WhatsApp-группе ЯСИА