Саха ураты бырайыактарын РФ бырабыыталыстыбатын бэрэссэдээтэлин солбуйааччыта — президент Уһук Илиҥҥэ боломуочуйалаах бэрэстэбиитэлэ Юрий Трутневка «Квартал труда» креативном кластерга көрдөрдүлэр. Салайааччы инновационнай бырайыактары үрдүктүк сыаналаата, суруйда СИА.
«Сахафильм» киинэ сайдыытын концепциятын, ExtraCinema кинопроектор, EIKIRIE, SGREY уонна Tulluk брендовай таҥас, «Арктик-Телеком» хампаанньа «Арктик Медиа» сибээһи холбуур бырайыага уонна «Кындыкан» мультимедийнай бырайыак көрдөрүлүннүлэр. Юрий Трутнев уонна Айсен Николаев Tundra анимационнай устуудьуйа уонна аныгы XR-устуудьуйа үлэтин билистилэр.
Юрий Трутнев ордук болҕомтотун «Хоту тент» хампаанньа бойобуой усулуобуйаҕа техниканы уонна байыаннайдары харыстыырга тутуллар саҥа технологиятыгар болҕомтотун хатаата.
«»Иваново» научнай-чинчийэр киинин кытта үлэлиибит, кинилэр матырыйаалга бэйэлэрин патеннарын биэрбиттэрэ. Онно олоҕуран орон бүрүөһүннэрин, снайпердар көстүүмнэрин, балааккалары, техниканы харыстыыр матырыйааллары, утуйар мөһөөччүктэри уонна да атыны оҥордубут. Биһиги оҥоһууларбыт тепловизортан техниканы уонна байыастары харыстыыр дьайыылаах», — салайааччы Дуолан Андреев кэпсээтэ.
Юрий Трутнев хас биирдии бырайыагы үрдүктүк сыаналаата, оҥорон айан таһаарааччыларга ситиһиини баҕарда.
Хаартыска: Андрей Сорокин, СИА
