29 Кулун тутар 29.03
  • -14°
  • $ 92,26
  • 99,71

Юрий Куприянов: Триколор-торду эһиил куорат бары болуоссаттарыгар түҥэтиэхтэрэ

14:36, 24 августа 2016
Читайте нас на
Яндекс Новости
ЯДВ

Россия былааҕын курдук оҥоһуллубут торду эһиил Дьокуускай куорат бары  болуоссаттарыгар түҥэтиэхтэрэ. Ити туһунан СИА-ҕа бастакы вице-премьер э.т — баһылык уонна бырабыыталыстыба дьаһалтатын салайааччы Юрий Куприянов эттэ.


Санатар буоллахха, РФ былааҕын күнүгэр Дьокуускай куорат олохтоохторун, ыалдьыттарын Хомсомуол болуоссатыгар минньигэс тордунан күндүлээбиттэрэ. Россия былааҕын курдук киэргэтиллибит,  280 кг ыйааһыннах торт 1400 порцияттан турара.

Сорох көрдөрөр-иһитиннэрэр тиһиктэргэ суруйбуттарынан, бырабыыталыстыба чилиэннэриттэн турар велопробег кыттыылаахтара эрдэ тиийэн, торду сиэн кэбиспиттэрин, ити түмүгэр «Берегиня» оҕо дьиэтин оҕолоро минньигэстэн матан хаалбыттарын курдук киэҥник суруйбуттара.

Бырааһынньыгы тэрийии иһин эппиэтинэһи ким сүгэрий?

— Тулаайах оҕолорго торт тиксибэтэҕин курдук суруйуу, иһитиннэрии «Былаас тугу оҥорбута барыта — куһаҕан” диэҥҥэ иэҕиллэр. Мин тэрийэр кэмитиэти салайбытым. Онон бу иһин эппиэтинэһи барытын сүгэбин.

Ленин болуоссатыгар элбэх интэриэһинэй тэрээһиннэри ыыппыппыт, ол кэнниттэн велопробег буолбута. Торду куорат олохтоохторугар түҥэтиллэр Хомсомуол болуоссатыгар тиийэн велопробег түмүктэниэхтээх этэ. Күн-дьыл туругуттан сылтаан бырагыраамаҕа кэккэ уларыйыылар киирбиттэрэ.

Торт кимиэхэ анаммытай? Чунуобунньуктар тулаайахтартан торду былдьаан сиэбиттэрэ дииллэрэ кырдьык дуо?

— Торду ким бастаан амсайарый: чунуобунньуктар дуу, тулаайахтар дуу диэн ыйытык турбатаҕа. Куорат олохтоохторун бука барыларын тордунан күндүлүүр сорук турбута. Ону сорох Интернет-таһаарыылар араастаан токуруппуттарын түмүгэр чунуобунньуктар тулаайахтар тортарын былдьаан сиэбиттэрин курдук буолан таҕыста.

Ол иһин биһиги маннык торду “Берегиня” оҕо дьиэтигэр илдьэн биэрэр туһунан быһаарыыны ылбыппыт уонна бу дьаһал бастайааннай буолуоҕа.

Дьон устубут видеотыгар көрдөххө, сорохтор хасты да торду ылбыттара көрүөххэ сүөргү. Бырааһынньык кыттыылаахтарыгар барыларыгар тиийиэ суох этэ дуо?

— Үгүстэр ити видеону көрөн баран “Иҥсэлээхтэр” диэбиттэрэ, ол эрээри баҕар, кинилэр бииргэ үлэлиир дьоннорун, дьиэ кэргэттэрин амсатыахтарын баҕарбыттара буолуо. Онон, эһиилгиттэн ыла маннык акция куорат бары болуоссаттарыгар ыытыллыаҕа.

Следите за самым важным и интересным в Telegram-канале и WhatsApp-группе ЯСИА