21 Тохсунньу 21.01
  • -48°
  • $ 73,82
  • 83,32

«Якутия» технопарк табаһыттарга чэпчэки салааскалары оҥордо

12:24, 22 марта 2016
Текст:

«ЯкСтар» уонна «СахаКомпозит» холбоон оҥорбут бырайыактарын «Мир Арктики» быыстапкаҕа билиһиннэрдилэр. Кинилэр композитнай матырыйаалтан табаһыттарга анаммыт чэпчэки салааскалары көрдөрдүлэр.

«Якутия» технопарк резиденнэрэ айбыт салааскаларын сыҥааҕа уһуллар, инньэ гынан алдьаннаҕына уларытыахха сөп. Композитнай матырйаал оҥоһук ыйааһынын биллэ чэпчэтэр.

«ЯкСтар» компания коммерческай дириэктэрэ Кирилл Комков эппитинэн, кулун тутар 29 күнүгэр ыытыллар «Инновации и благоустройство – XXI век» быыстапкаҕа таһаҕаһы тиэйэр салааскалары «Буран», ыт соһоллоругар хайдахтарын боруобалыахтара.

«Барыта баҕарбыппыт хоту буоллаҕына, күҥҥэ иккилии салаасканы оҥоруохпут. Табаһыттар саҥа салаасканы номнуо интэриэһиргээтилэр. Итини таһынан хаарынан сылдьар «Ямаха» бампердарын компания  дьон сакааһынан оҥорбуппут», — диир Кирилл Комков.

Кинилэр Саха сирин эрэ буолбакка, Уһук Илини маннык салааскаларынан хааччыйар уонна тыыны оҥорор соруктаахтар.

0
0
Тутаах тыллар
21 января 21.01
  • -48°
  • $ 73,82
  • 83,32