«Якутия» авиахампаанньа Китайга көтүүлэри саҕалаабытын иһитиннэрдэ. Муус устар 6 күнүттэн Дьокуускай — Харбин уонна төттөрү хайысханан рейстар оҥоһуллуохтара.
Кытай 2023 сыл саҕаланыытыгар, ковидынан хааччахтааһын сымнатыллан, билигин визаны биэрии саҕаланна.
Муус устар 6 күнүттэн ыам ыйын 11 күнүгэр диэри рейс нэдиэлэ аайы чэппиэр күн оҥоһуллуоҕа. Дьокуускайтан көтүү 9:05 чааска, Харбиҥҥа тиийии — 10:40 чааска. Харбинтан көтүү 12:20 чааска, Дьокуускайга кэлии 16:10 чааска. Тарыып 230 евроттан саҕаланар.
Билиэти атыылааһын саҕаланна.
