Саха тустууктара Виктор Рассадин уонна Айхаан Антонов көҥүл тустууга Россия чемпионатыгар боруонса мэтээли иилиннилэр.
Чемпионат бэс ыйын 24 — 26 күннэригэр Кызылга буолла, суруйар СИА. Виктор Рассадин 70 кг диэри үһүс миэстэни ылла, оттон Айхаан Антонов 65 кг диэри.
Чемпионакка Саха сирин 26 спортсмен көмүскээтэ, өссө икки саха бөҕөһө атын регионтан киирбитэ.
Ааспыт сылга Россия чемпионата Саха сирин хамаандатыгар биир да мэтээли биэрбэтэҕэ. Бу сырыыга тустууктар уһун кэмҥэ Алдаҥҥа уонна Дьокуускайга бэлэмнэннилэр.
Хаартыска «Триумф» телеграм-ханаалыттан ылылынна.
