29 Кулун тутар 29.03
  • -15°
  • $ 92,37
  • 99,53

Виктор Федоров: Бэлиитикэ төһөнөн кыратык күннээҕи олоххо дьайар да, соччонон ордук

10:58, 22 сентября 2016
Читайте нас на
Яндекс Новости
ЯДВ

Саха сиригэр норуот дьокутаата Виктор Фёдоров буолан ааспыт быыбар туһунан СИА-ны кытта санаатын үллэһиннэ.


— «Биир ньыгыл Арассыыйа» биир мандааттаах уокурукка кандидаты туруорбатаҕын туһунан туох санаалааххын?

— Ити быһаарыыны ньыгыллар киин аппарааттара ылыммыта. Онон Саха сиригэр биир мандааттаах уокуруктан кандидаты туруорары боппуттара. Мин санаабар, ити сөбө суох. Тоҕо диэтэххэ, дьон интэриэһиргиир бары баартыйаларын иһин куоластыахтаах этэ.

Дьон быыбарга кыттыытын көрдөрүүтэ үрдүгэ суох. Ити туохтан буолуо дии саныыгын?

— Быыбарга дьон кыттыыта аҕыйаҕын туһунан араастаан этиэххэ сөп. Баҕар ити бэлиитикэни сэҥээрбэт буолууттан тахсыан сөп. Элбэх киһи кинилэр куоластара тугу эрэ быһаарыаҕар итэҕэйбэттэр. Атын өттүттэн көрдөххө, уопсастыба ситэн-хотон эрэр диэххэ сөп. Сайдыылаах арҕаа да дойдуларга быыбарга кыттыы аҕыйах.

Билигин демократия уларыйыыларыттан өрүкүйэр 1991 сыл буолбатах. Дьон бэйэтэ туспа кыһалҕалаах. Бэлиитикэ төһөнөн кыратык күннээҕи олоххо дьайар да, соччонон ордук.

Госдума саҥа састаабыттан биһиги тугу күүтүөхпүтүн сөбүй?

— «Биир ньыгыл Арассыыйа» баартыйа Госдумаҕа баһыйар үгүс 344 миэстэни ылла. Киин салалта кыараҕас эргимтэтэ барытын быһаарар кэмигэр оппозиция суоҕуттан ааспыт үйэ 80-с сылларыгар төннүөхпүтүн сөп.

Следите за самым важным и интересным в Telegram-канале и WhatsApp-группе ЯСИА