19 От ыйа 19.07
  • 23°
  • $ 87,88
  • 96,1

Валентина Готовцева «Туймаада куолаһа" куонкурус кыайыылааҕа буолла

11:14, 31 октября 2016
Текст:
Читайте нас на
Яндекс Новости
ЯДВ

«Туймаада куолаһа» өрөспүүбүлүкэтээҕи куонкурус түмүктэннэ. «Якутяночка» оҕо саадын иитээччитэ Валентина Готовцева куонкурус муҥутуур кыайыылааҕа буолла.


Барыта 18 кытааччы араас хайысхаларынан ыллаатылар.

Көрөөччүлэр биһирэбиллэрин Мирослав Михалев ылла. Кини «Uptown Funk» толордо.

Бастыҥ ааптарскай ырыа иһин бириэмийэни Нарыйаана Толстякова ылла.

«Тыыннаах бастыҥ толоруу» аакка Айыыллаана Семенова тигистэ.

«Якутяночка» оҕо саадын иитээччитэ Валентина Готовцева Гран-при бириэмийэҕэ тигистэ. Киниэхэ куонкурус бэлиэтин уонна спонсордартан бириистэри туттардылар.

«Бу куонкурус туһунан аан бастаан кэргэним билбитэ уонна кыттарбар эппитэ. Кини этиитигэр сөбүлэспиппин кэмсиммэппин. Кыайыам дии санаабатаҕым. Уһуйааччым Ирена Файрушина сыанаҕа хайдах туттарга-хаптарга үөрэтиитэ миэхэ элбэҕи биэрдэ», — диэн СИА-ҕа кини эттэ.

Куонкуруска бэлэмнэнии өссө балаҕан ыйыгар саҕаламмыт. Instagram биллэриллибит кастины ырыаһыт Сахамин тэрийбит. Манна 120 тахса киһи кыттыбыт.

«Туймаада куолаһа» дойду бастакы ханаалыгар баар «Голос» телешоуга майгынныыр. Манна кыттааччылары кытта уһуйааччылар үлэлээбиттэрэ. Уһуйааччыларынан Сахаайа, Петр Кулаковскай Ирена Файрушина, Николай Роббек буолбуттара. Кинилэр кыттааччылары кытта күн аайы дьарыктаммыттара, маастар-кылаастары ыыппыттара.

Следите за самым важным и интересным в Telegram-канале и WhatsApp-группе ЯСИА