19 Тохсунньу 19.01
  • -48°
  • $ 73,82
  • 83,32

Уус Алдан Тумулугар «Велопробег-2016» кыттыылаахтара историяны кэрэһэлээтилэр

08:29, 10 сентября 2016
Текст:

Оскуола 8-11 кылааһын үөрэнээччилэрэ уонна учууталлара үгэс буолбут велосипедынан айаҥҥа турунан, балаҕан ыйын 8-9 күннэригэр Элэһиҥҥэ тиийэ сырыттылар. Анал тэрээһин кыттыылаахтара улуус өйдөбүнньүк сирдэрин кэрийдилэр.


Айаҥҥа барыта 25 оҕо, 7 учуутал кыттыыны ылла. Бастакы маршрутунан Миитэ алааһа буолла. Манна Нам 2-с Хомустаах, Уус Алдан 2-с Суотту, Сыҥаах дьонун бурдугунан хааччыйан олорбут Феоктистов баай мас миэлиҥсэтэ баар. Оҕолор ону олус интэриэһиргээн көрдүлэр. Онтон Түгэх сайылыкка олоҥхоһут Еф.П. Барашков-Төппөс олоҕор тохтоон аастылар. Салгыы Элэһиҥҥэ тахсан, айан суолугар баар сүрүн тохтобулу – Албан Аат өйдөбүнньүк пааматынньык – тулатын ыраастаатылар. Киэһэ Элэһин олохтоохторугар киэҥ бырагыраамалаах концерт көрдөрдүлэр, кутаа тула олорон гитара доҕуһуоллаах ырыа ыллаатылар.

Айан иккис күнүгэр учуонайдар И.И.Барашков, П.П. Барашков, советскай-партийнай үлэһит П.М. Барашков төрөөбүт-үөскээбит Холболоох алаастарын кэрэ айылҕатыгар тиийдилэр. Онно бу алаас туһунан былыргы сэһэни иһиттилэр.

Сылайары аахсыбакка, уһун айантан саллыбакка төрөөбүт дойдуларын кэрэ айылҕатын ыраас салгынынан дуоһуйа тыынан, туһалаах айантан үөрэн-көтөн этэҥҥэ айаннаан дойдуларыгар кэллилэр. Маршрут эһиилгэ дылы түмүктэннэ. Ыалдьыбыт киһи суох.

0
0
19 января 19.01
  • -48°
  • $ 73,82
  • 83,32