28 Тохсунньу 28.01
  • -48°
  • $ 73,82
  • 83,32

Уус Алдан Тумулугар икки нэһилиэк кырдьаҕастара ыһыахтаатылар

12:54, 10 июля 2016
Текст:

От ыйын 7 күнүгэр Уус Алдан Тумулугар икки нэһилиэк кырдьаҕастара кыттыһан ыһыах ыстылар. Айылҕа туран биэрэн, ытык дьон үөрдүлэр.


Ыһыах аһыллыытын сиэрин-туомун алгыс тылынан А.С. Сокольникова арчылаата. Ыраахтан-чугастан кэлбит ыалдьыттары, нэһилиэк кырдьаҕастарын, олохтоохтору нэһилиэк баһылыгын солбуйааччы А.И. Стрекаловскай,»Аал уот «кырдьаҕастар сэбиэттэрин бэрэссэдээтэлэ И.Г. Новоприезжай, «Үһүс саас оскуола» салайааччыта С.А. Прудецкая,  «Учууталлар учууталлара» бэлиэлээх бэтэрээн учуутал М.Р. Халдеева, Суотту нэһилиэгин кырдьаҕастарын сэбиэтин бэрэссэдээтэлэ С.Д. Черкашина  эҕэрдэлээтилэр, самаан сайыҥҥа уйгуну-быйаҥы баҕаран туран махтал суруктары туттардылар.

Икки нэһилиэк кыттыылаах улахан концерга сцена бэтэрээннэрэ Е.Ф. Васильева, М.И. Заровняева көхтөөх кыттыыны ыллылар. Бу күн түһүлгэҕэ араас күрэхтэр ыытылыннылар. Тойук, оһуохай, хабылык, хаамыска, сахалыы таҥас, хоһоон күрэхтэрэ дьону көҕүлээтилэр.

Дьүүллүүр сүбэ быһаарыытынан тойукка, оһуохайга А.С. Сокольникова, Тумул, Ф.Е. Жиркова, Суотту бастакы миэстэлэри ыллылар, хоһоон күрэҕэр 1 м Л.П. Попова, 2 м М.Р. Халдеева, иккиэн Тумул, 3 м Д.Н. Пермяков, Суотту. Сахалыы таҥаска 1 м Г.В. Саввинова, Суотту, 2 м М.Р. Халдеева, 3 м И.И. Черкашина, тумуллар, биһирэбил бириистэринэн Т. Сивцева, Суотту, М.С. Татаринова, А.С. Сокольникова, Н.А. Аржакова-Иванова, А.И. Новоприезжая, А.Ф. Алексеева, бары тумуллар наҕараадаланнылар. Хабылыкка 1 м Р.Ф. Васильева, 2 м А.Ф. Алексеева, иккиэн Тумул, 3 м Е.Н. Гоголева Суотту, хаамыскаҕа 1 м Е.Н. Гоголева, Суотту, 2 м А.Ф. Алексеева, Тумул, 3 м Ф.Н. Ширяева Суотту буоллулар.

Икки нэһилиэк кырдьаҕастара төгүрүччү олорон, сандалы мааны аһын үөрэ-көтө амсайдылар, кэпсэттилэр, ыллаатылар-туойдулар.

Өрөспүүбүлүкэ, улуус хас да төгүллээх лауреаттарын Анна Федотовна, Анна Петровна Алексеевалар, Анна Иннокентьевна Олесова, Люция Петровна Попова ырыаларын олус астына, дуоһуйа иһиттилэр. Нэһилиэкпит ытык кырдьаҕастара, тыыл бэтэрээннэрэ Т.В. Новоприезжая, М.С. Татаринова үөлээннээхтэрин астына көрсөн сэргэхсийдилэр, бар дьонноругар алгыс тыл маанытын анаатылар.

Бу тэрээһини тэрийбит нэһилиэк дьаһалтатыгар, иилээн-саҕалаан ыыппыт культура үлэһиттэригэр Ион Степановичка, Альберт Николаевичка, Андрей Макаровка, кырдьаҕастар бэрэссэдээтэллэригэр Иван Гаврильевичка, социальнай үлэһит Лариса Семеновнаҕа кырдьаҕастар махталларын тиэрдэллэр.

0
0
28 января 28.01
  • -48°
  • $ 73,82
  • 83,32