Ленскэйгэ сэттэ, онтон алтата сокуоннай саастарын ситэ илик эдэр дьон уоруу 19 түбэлтэтигэр буруйдаахтарын оройуоннааҕы суут быһаарда.
2015 сыл от ыйыттан балаҕан ыйыгар диэри бу дьон Ленскэй олохтоохторун дьиэлэриттэн, даачаларыттан, ону таһынан маҕаһыыннартан малы-салы уорбуттар, тырааныспары куоттарбыттар.
Тырааныспары сокуоннайа суох бас билбит 11 түбэлтэни силиэдэбэтэллэр дакаастаатылар.
Буруйданааччылар уорууга билиммиттэр. Уоруллубут мал 90 бырыһыана хаһаайыннарыгар төннөрүллүбүт.
Ленскэй оройуоннааҕы суут муус устар 29 күнүгэр ылыммыт бириигэбэринэн, сааһын ситэ илик киһи 4 сыл 3 ыйга холуонньаҕа, өссө биир 18 сааһын туола илик киһи психиатрическэй стационарга эмкэ ыытарга ууруллубуттар. Атыттар усулуобунай накаастабылынан муҥурдаммыттар.
