Ыам ыйын 1 – 11 күннэригэр терапия уонна оҕо быраастара өрөспүүбүлүкэ бары мэдиссиинэ тэрилтэлэригэр күннэтэ үлэлиэхтэрэ. Бу туһунан Доруобуйа харыстабылын министиэристибэтэ иһитиннэрэр.
Поликлиника дьуһуурунай быраастара – терапевтар, оҕо быраастара – күннэтэ сарсыарда 09.00 — 15.00 ч. диэри ыарыһахтары көрүөхтэрэ. Учаастактааҕы быраастар ыарыһахха дьиэтигэр 09.00-15.00 ч. диэри сылдьыахтара.
Быһыыны туруорар пууннар күннэтэ 9.00 — 15.00 ч. диэри үлэлиэхтэрэ. Маны таһынан поликлиникаларга больничнайы астарыахха, сабыахха, ыспыраапка ылыахха, рецепт суруттарыахха сөп.
Ыарыы элбэҕинэн сибээстээн Доруобуйа харыстабылын министиэристибэтэ өрөспүүбүлүкэ олохтоохторугар туһаайан харыстаналларыгар — маасканы кэтэллэригэр, элбэх дьонноох сиргэ сылдьартан туттуналларыгар сүбэлиир.
