Уһук Илиҥҥэ үлэлиир интернет-таһаарыылар «Цены под контроль»! холбоһуктаах бырайыактара салҕанан барар. Социальнай өттүнэн суолталаах аһылык сыаната төһө буолбутун кэтээн көрөбүт уонна даанайдары бэйэ-бэйэбитин кытта атастаһан, тэҥниибит.
ИА «Дейта» Приморскай кыраайга ас сыаната төһөтүн ырытар, «Восток-Медиа» ИА – Хабаровскайга, «Амур.инфо» ИА – Амурга, «Sakh.com» портал — Сахалиҥҥа, «КАМ24» ИА — Камчаткаҕа, оттон Дьокуускайга ас сыанатын «One Click Yakutsk» портал кэтээн көрөр.
Туох-ханнык иннинэ ас корзинатыгар маннык астар киирдилэр: сымыыт (10 устуука), 3,2% үүт, үрүҥ килиэп, куурусса сотото (кг), сибиинньэ саала (кг), гречка (кг), хортуоппуй (кг), моркуоп (кг), дьаабылыка (кг), сайра кэнсиэрбэтэ (уст.), докторскай халбаһы (кг), ыраас уу (5 л)
Бу корзинаҕа киирэр астар иһин Хабаровскайга 1559 солк., Амур уобалаһыгар 1507 солк., Камчаткаҕа 1822 солк., Сахалиҥҥа 1649 солк., Приморьеҕа 1411 солк., оттон Саха сиригэр 2112 солк. ороскуоттанар.
Сыана үрдээһинэ:
Уһук Илин регионнарга оҕуруот аһыгар, фруктаҕа сыана биллэ эбиллэр. Саха сиригэр сайра кэнсиэрбэтэ 80 солк. эбит буоллаҕына, ити сыаната билигин 88 солк. тэҥ, килиэп 40-тан 43-кэ диэри эбиллибит. Сибиинньэ саала 565 солк.эбит буоллаҕына, билигин ити сыаната 599 солк. тиийбит.
Ас сыанатын чэпчээһинэ:
Хабаровскайга гречка сыаната 69-тан 67-ҕэ диэри намтаабыт. Сахалиҥҥа сымыыт сыаната 89-тан 79-ка диэри кыччаабыт. Амур уобалаһыгар куурусса сотото 174 солк. эбит буоллаҕына, билигин ити сыаната 165 солк. диэри кыччаабыт.
