29 Кулун тутар 29.03
  • -15°
  • $ 92,37
  • 99,53

Уһук Илиҥҥэ гектар сири биэрии бырайыага саҕаланыаҕыттан 2300-тэн тахса сайаапка киирбит

11:10, 02 августа 2016
Текст:
Читайте нас на
Яндекс Новости
ЯДВ

Уһук Илиҥҥэ гектар сири биэрии бырагыраамата саҕаламмыта икки ый буолла. Федеральнай информационнай систиэмэ (ФИС) нөҥүө надальнийвосток.рф саайтка уопсайа 2300-тэн тахса сайаапка киирдэ. Ити туһунан Уһук Илиҥҥэ киһи хапытаалын сайыннарыы агенствотын пресс-сулууспатыгар эттилэр.


«50-тан тахса гектар сир Уһук Илин олохтоохторо туһаналларыгар анаан биэрдилэр: 64 учаастак, өссө 70 дуогабары түһэрсии таһымыгар сылдьар. Ордук Приморье дьоно сири ыларга туруммуттар. Киирбит сайаапка 50 бырыһыанын кинилэр ылаллар»,- диэн агенствоҕа этэллэр.

Уһук Илиҥҥэ киһи хапытаалын сайыннарыы агенствота сири ылыыга дьоҥҥо сүбэни-аманы биэрэр. Икки ый устатыгар call-кииҥҥэ эрийэн ыйыталаспыт дьон ахсаана 4 тыһ.тахса буолбут. Оттон 1,5 тыһ. ыйытык ФИС нөҥүө киирбит.

«Бырайыакка болҕомто муҥутуур улахан. Бырагыраама тупсарыллан иһиитин ахсын сайаапка биэрээччи ахсаана эбиллэ туруоҕа. Билигин бастакы эрэ түһүмэх. Бу түмүгэр баар итэҕэстэр ала-чуо көстөн кэлиэхтэрэ. Инникитин ону туоратыахтара, бырайыак ситэриллиэ-хоторуллуо», — диэн салайааччы Валентин Тимаков бэлиэтиир.

2016 сыл бэс ыйын 1 күнүттэн ыла Уһук Илин регионун дьоно бэйэлэрин олорор сирдэригэр боруобалааһын бырайыакка киирбит сирдэргэ 1 гааны ылар кыахтаахтар. Оттон алтынньы 1 күнүттэн — субъект хайа баҕарар оройуонугар. 2017 сыл олунньу 1 күнүттэн Уһук Илиҥҥэ сири Россия гражданнара бары ылар кыахтаналлар.

Следите за самым важным и интересным в Telegram-канале и WhatsApp-группе ЯСИА