Сопхуос ыарахан үлэтигэр буспут-хаппыт аҕа саастаах дьону барыларын түмэн, нэһилиэккэ биллэриллибит Сылларын тыайалар саҕалаатылар. Олохтоох библиотекарь Е.Я. Кондакова «Талба талааннаах биир дойдулаахтарбыт» диэн кинигэ быыстапкатын туруорда.
Биэчэргэ сопхуостар холбоспуттарын туһунан инсценировка, урукку кэминээҕи ырыалары, сценкалары, үнкүүлэри көрөн дьон бэртээхэйдик сэргэхсийдэ. Музей фондатыттан былыргы хаартыскалары хомуйан слайд оҥорон, урукку кэми ахтан-санаан аастылар.
Баһылык С.С. Дьяконов сыллааҕы былааны сырдатта, нэһилиэк кыһалҕалаах боппуруостарын тула кэпсэтии барда.
Аныгыс тэрээһин олунньу ый 23 күнүгэр ыытыллара күүтүллэр.
