Дьокуускайдааҕы тыа хаһаайыстыбатын академиятын ипподромугар ыам ыйын 28 күнүгэр күнүс 3 чаастан үгэскэ кубулуйбут ат сүүрдүүтэ ыытыллыаҕа. Бу туһунан академия уопсастыбаннаһы кытта үлэ отдела иһитиннэрэр.
Сүүрэр суолга Саха сиригэр төрөөбүт сылгылар тахсыахтара.
Барыта алта дистанцияҕа 7 киирсии буолара былааннанар. Бириистэри Академия ректора, Мэҥэ Хаҥалас, Сунтаар, Хаҥалас, Амма, Нам муниципальнай тэриллиилэр баһылыктара, «Сахаплемобъединение» тэрилтэ, агропромышленнай комплекс тэрилтэлэрэ туруораллар.
