22 От ыйа 22.07
  • 30°
  • $ 88,02
  • 96,04

Тыаҕа уоту ыыттахха, холуобунай эппиэккэ тардыллыахха сөп

14:53, 18 мая 2016
Читайте нас на
Яндекс Новости
ЯДВ

Ойуурга баһаары таһаарбат туһуттан анал быраабылалары РФ Бырабыыталыстыбата өссө 2007 сыллаахха олохтообута. Онно ойуурга уоту оттуу, табахтааһын, испиискэ атаҕын, табаҕы ситэ умулларбакка эрэ быраҕыы, таас бытыылкалары, бааҥкалары уо.д.а. таастан маллары хомуйбакка хаалларыы, онтон да атын бобуулар киирэллэр.

Өскөтүн ити быраабылалары хобдох содула да суох кэстэххэ, РФ Административнай кодексатын 8.32-с ыстатыйатынан эппиэккэ тардыллаҕын: гражданнар 1500 солк. — 3000 солк., дуоһунастаах дьон 10 тыһ. солк. — 20 тыһ. солк., тэрилтэлэр 50 тыһ. солк. — 200 тыһ. солк. диэри суумалаах ыстараап төлүүллэр.

Ойуурга чугас сытар хонууну-сыһыыны баһаартан сэрэхтээх буолуу быраабылаларын тутуспакка өртөөһүн, куурбут-хаппыт оту-маһы уматыы иһин гражданнар 3000 — 4000 солк., дуоһунастаах дьон 15 тыһ. солк. — 25 тыһ. солк., тэрилтэлэр 150 тыһ. солк. — 250 тыһ. солк. диэри суумалаах ыстараап төлүүллэр.

Оттон уоту сэрэҕэ суохтук туттан, ойуур фондатыгар хоромньуну таһаарбыт киһи РФ Холуобунай кодексатын 261-с ыстатыйатынан холуобунай эппиэтинэс сүгэр. Ити ыстатыйанан көрүллэр накаастабыл миэрэ: 200 тыһ. солк. – 400 тыһ. солк. диэри суумалаах эбэтэр сууттаммыт киһи 1 сылтан 2 сылга диэри кэмҥэ ылар хамнаһын биитэр атын дохуотун кээмэйин саҕа ыстараап, биитэр 480 чааска диэри болдьоххо булгуччулаах үлэ, биитэр 2 сылга диэри болдьоххо көннөрүнэр үлэ, биитэр 3 сылга диэри болдьоххо күһэлэҥ үлэ, биитэр ити болдьоххо көҥүлү быһыы.

Маныаха улахан хоромньу оҥоһуллубут буоллаҕына, 4 сылга диэри болдьоххо көҥүлү быһыы көрүллэр. Оттон соруйан уоттааһын иһин 8 сылга диэри болдьоххо хаайыыга барыахха сөп. Итиниэхэ өссө 200 тыһ. солк. – 500 тыһ. солк. диэри суумалаах эбэтэр сууттаммыт киһи 18 ыйтан 3 сылга диэри кэмҥэ ылар хамнаһын биитэр атын дохуотун кээмэйин саҕа ыстараап көрүллэр.

Ойуур баһаарын таһаарбыт буруйдаах дьон оҥорбут материальнай хоромньутун төлүүр эбээһинэстээх.

Следите за самым важным и интересным в Telegram-канале и WhatsApp-группе ЯСИА