Белоруссия өрөспүүбүлүкэтиттэн тустар саха бөҕөһө Ньургун Скрябин Дьокуускайга икки хостоох дьиэлэннэ. Ньургуҥҥа дьиэни биир дойдулаахтара бэлэх ууннулар.
Дьиэ сэртипикээтин Мэҥэ-Хаҥалас улууһун дьаһалтата, улуус 31 нэһилиэгэ, өрөспүүбүлүкэ, улуус тустууга федерациялара итиэннэ бөдөҥ тэрилтэлэр кыттыһан, тустууга Европа үрүҥ көмүс призеругар Ньургун Скрябиҥҥа өссө бу сайын туттарбыттара. Икки хостоох кыбартыыра күлүүһүн Ньургун Белоруссияҕа сбордана сылдьарынан сибээстээн, аҕата Владимир Скрябин тутта.
Ньургун Скрябин уонна Владислав Андреев билигин Белоруссия састаабыгар Аан дойду Кубогар бэлэмнэнэ сылдьаллар. Күрэхтэһии ахсынньы 12 – 18 күннэригэр Сербияҕа ыытыллыа.
