29 Тохсунньу 29.01
  • -48°
  • $ 73,82
  • 83,32

Томполор Саха сирин геологиятын сайдыытыгар сүдү кылааттарын туоһулуур бэлиэни туруордулар

17:39, 11 апреля 2016
Текст:

Саха тыллаах барыта «Көмүстээх үрүйэ» сэһэни аахпыта буолуо. Онно кэпсэнэр Алдан көмүһүн арыйбыт Мэхээлэ Тарабукин билиҥҥи Томпо улууһуттан төрүттээх. Кириэс Халдьаайыга киниэхэ уонна Саха сирин геологията сайдыытыгар кылааттарын киллэрбит Прокопий Охлопковка уонна Владимир Тарабукиҥҥа анаммыт мрамортан оҥоһуллубут өйдөбүнньүк дуоскалары арыйыы буолла.


Үөрүүлээх түгэҥҥэ Томпо улууһун дьокутааттарын бэрэссэдээтэлэ Илья Щадрин, улуус баһылыгын солбуйааччы Петр Новгородов, Ил Түмэн дьокутаата Дмитрий Саввин, улуус геологическай тэрилтэтин, «Дьабарыкы Хайа» шахта, хайа-геологическай техникум салайааччылара уонна геологтар, нэһилиэк общественноһа кыттыыны ыллылар. Саха сирин Ил Түмэнин бэрэссэдээтэлин Ольга Балабкина эҕэрдэ суругун туттардылар.

амем

«Якутзолотрест» тэрилтэ бэйэтин кэмигэр Михаил Прокопьевич Тарабукины Алдан көмүһүн арыйбыт киһинэн ааттаабыта. Алдан куоракка биир дойдулаахпыт аатынан уулусса, артыал салайааччыта Вольдемар Бертинниин турар пааматынньыктара бааллар. Кини Үлэ Кыһыл Знамята орденынан, «Үлэҕэ килбиэнин иһин» мэтээлинэн наҕараадаламмыта.

Прокопий Михайлович Охлопков Томпо улууһун сахаларыттан бастакынан Алданнааҕы хайа техникумун бүтэрбитэ. Өлүөхүмэҕэ, Алдаҥҥа, Томпоҕо уонна киин Саха сиригэр сир баайын көрдөөһүҥҥэ, Хаҥалас Мохсоҕоллооҕор тутуу матырыйаалын булууга бэйэтин кылаатын киллэрбитэ. 1965 с. киниэхэ «Саха АССР үтүөлээх геолога» аат иҥэриллибитэ.

амем0

Владимир Прокопьевич Тарабукин СГУ «хайа инженер-геолога» идэлээх бүтэрбитэ. 2004 с. геолого-минералогическай наука доктора диссертациятын көмүскээбитэ. Палеонтология уонна стратиграфия специалиһа, 40 тахса научнай үлэлэрдээх. 2013 с. өлбүтэ.

Өйдөбүнньүк дуоскалары арыйыы Гаврил Ефимов аатынан геологтар түмэллэрин тэлгэһэтигэр буолла. Биир дойдулаахпыт Гаврил Петрович Кулаар көмүстээх сирин арыйан Ленин орденынан наҕараадаламмыта. 2012 с. кини төрөөбүтэ 100 сыла Саха сирин президенэ Егор Борисов ыйааҕынан төрөөбүт дойдутугар киэҥник бэлиэтэммитэ.

Илья Шадрин, Томпо улууһун дьокутааттарын бэрэссэдээтэлэ:

— Биһиги хаһыс да сылбытын Саха сирин геологията сайдыытыгар кылааттарын киллэрбит биир дойдулаахтарбыт ааттарын үйэтитэргэ сыралаах үлэни ыытабыт. Өйдөбүнньүк дуоскалары таһынан урукку стендэлэргэ эбии Томпоҕо геология сайдыытын, «Дьабарыкы Хайа» шахта, Нежданинскай көмүстээх сирин, хайа-геологическай техникум уонна «Драгоценности Якутии» тэрилтэ Хаандыгатааҕы филиалын туһунан кэпсиир 5 стендэни оҥоттордубут. Бу барыта ыччаттарбыт төрөөбүт улуустарын историятын биллиннэр, промышленноска үлэлии бардыннар диэн соруктаах оҥоһуллар.

амем5

0
0
29 января 29.01
  • -48°
  • $ 73,82
  • 83,32