15 От ыйа 15.07
  • 18°
  • $ 87,74
  • 95,76

Токиотааҕы Паралимпиадаҕа Саха сирин спортсменнара кыттыахтара

13:01, 27 июля 2021
Текст:
Читайте нас на
Яндекс Новости
ЯДВ

Саха сирин спортсменнара Анастасия Диодорова, Степанида Артахинова уонна Алена Дмитриева Токиоҕа ыытыллар Паралимпийскай оонньууларга кыттыахтара. Биир дойдулаахтарбыт Арассыыйа Паралимпиадаҕа сүүмэрдэммит хамаандатын састаабыгар киирбиттэрин туһунан СИАҕа Саха сирин Паралимпийскай кэмитиэтин бэрэссэдэээлэ Николай Дегтярев  иһитиннэрдэ. Ити састаапка Владимир Балынец суох.


Николай Дегтярев Арассыыйа пауэрлифтиҥҥа хамаандата 2017-2019 сылларга норуоттар ардыларынааҕы Паралимпийскай кэмитиэт күрэхтэригэр кэмитиэт биллэрбит санкцияларынан кыттыбатахтарынан, Паралимпийскай оонньууларга киирбэтэхтэрин эттэ. «Арассыыйа Паралимпийскай кэмитиэтин көрдөһүүтүнэн икки квота көрүллүбүт», — диэтэ кини.

Паралимпийскай оонньуулар Токиоҕа атырдьах ыйын 24 балаҕан ыйын 5 күннэригэр диэри ыытыллыахтара. Анастасия Диодорова (ууга харбааһыҥҥа), Степанида Артахинова (оҕунан ытыыга), Алена Дмитриева (олорон эрэ волейболга) киирсиэхтэрэ.

Арассыыйа Паралимпиадаҕа сүүмэрдэммит хамаандатыгар барыта 430 киһи киирбит.

Следите за самым важным и интересным в Telegram-канале и WhatsApp-группе ЯСИА