21 Тохсунньу 21.01
  • -48°
  • $ 73,82
  • 83,32

Тохсус кылаас кэнниттэн ханнык тэрилтэ үөрэххэ ыларый?

14:04, 08 июня 2020
Текст:

“Тохсус кылаас кэнниттэн ханна туттарсыахпытын сөбүй” диэн балачча элбэх оҕо, төрөппүт ыйытар. Онон сибээстээн, 2020-2021 үөрэх дьылыгар ханнык орто үөрэх тэрилтэтэ үөрэххэ ыларын билиһиннэрэбит. Суруйар edersaas.ru


СӨ Үөрэҕин уонна наукатын министиэристибэтэ иһитиннэрбитинэн, кэлэр үөрэх дьылыгар орто анал үөрэххэ, уопсайа, 6422 бүддьүөт миэстэтэ көрүллүбүт, итинтэн 3288 миэстэ – орто уопсай үөрэхтээһин базатыгар.
Орто анал үөрэххэ докумуоннары 2020 сыл бэс ыйын 20 күнүттэн тутталлар.
Быйыл урукку сыллартан уратыта диэн докумуону СӨ үөрэххэ өҥөтүн порталын нөҥүө электроннай ньыманан ылаллар. Сайабылыанньаны электроннай ньыманан бэлиэтээһин (регистрация) интэриниэккэ бэс ыйын 20 күнүттэн https://edu.e-yakutia.ru үөрэх порталыгар аһыллыаҕа.
СӨ орто анал үөрэҕин тэрилтэлэригэр сайабылыанньаны биэрэргэ судаарыстыбаннай өҥө порталыгар https://www.gosuslugi.ru/ (логин уонна пароль киллэрэллэрэ) ирдэнэр, маныаха киллэрэргэ сайабылыанньа суруйааччы даннайдара: ААА (ФИО), төрөөбүт күнэ-дьыла, чахчы кини буоларын туоһулуур докумуона (салгыы — СПО).
Барытын толорбуккут кэннэ идентификатор иҥэриллэр. Сайабылыанньа орто анал үөрэх тэрилтэлэригэр (СПО) көрүллэр. Ол түмүгүнэн үөрэххэ киирэрэ-киирбэтэ быһаарыллар.
Көрүү түмүгүн «Проверка статуса заявления» диэн салааҕа сайабылыанньаҕа иҥэриллибит идентификаторынан билиэххэ сөп.

Тохсус кылаас кэнниттэн 2020-2021 үөрэх дьылыгар маннык орто анал үрэх тэрилтэлэрэ ылалларын СИҺИЛИИ манна аах: http://edersaas.ru/tohsus-kylaas-kenn/

0
0
21 января 21.01
  • -48°
  • $ 73,82
  • 83,32