25 От ыйа 25.07
  • 30°
  • $ 86,55
  • 94,38

Таатталар бырабыыталыстыбаҕа туруорсуулара - саҥа тутуулар

10:08, 18 февраля 2016
Текст:
Читайте нас на
Яндекс Новости
ЯДВ

СӨ Тыа хаһаайыстыбатын уонна аска-үөлгэ политикатын миниистирэ Александр Артемьев салайааччылаах бырабыыталыстыба отчуотуур бөлөҕөр таатталар, сүрүннээн, саҥа тутуулары туруорустулар.


Чычымахха чааһынай дьиэлэр холбонор кыахтаах хочуолунайы, дьон көрдөрөр амбулаториятын, спортивнай быласаакканы, социальнай хайысхалаах элбэх кыбартыыралаах дьиэни, үүт аһы оҥорон таһаарар сыаҕы, Унньуулаахха Өксөкүлээх Өлөксөй аатынан киини тутууну боротокуолга киллэртэрдилэр. Харбалаахха хочуолунай уонна учаастактааҕы балыыһа тутуулара инники күөҥҥэ туруорулунна. Чымынаайыга Хоруу сиригэр даамба тутуутун саҕалыыр наада буолбутун этиннилэр, итиэннэ тренажернай саала тутуллара буоллар, ыччат онно мустан бириэмэтин туһалаахтык атаарыа этэ диэн буолла. Уолбаҕа кэскиллээх тутууларга — дьыссаакка уонна оскуолаҕа — сүрүн болҕомтону хатаатылар.

Таатта олохтоохтоохторо «Сири босхо түҥэтии» сокуон барылын, сүөһү атыылаһыытыгар 1 мөл.солк. көрүллэр буолбутун, социальнай төлөбүрдэр тустарынан чуолкайдастылар, быһааран биэрэллэригэр бөлөххө элбэх ыйытыы биэрдилэр.

«Нэһилиэнньэ олус көхтөөхтүк кытынна. Үүт, эт атыытын сыанатын, оҕуруот аһын атыытын квотатын, дотация, субсидиялар тустарынан «ыйытыы-эппиэт» былаанынан кэпсэттибит», — диэн миниистир Александр Артемьев бэлиэтээтэ.

Следите за самым важным и интересным в Telegram-канале и WhatsApp-группе ЯСИА