13 От ыйа 13.07
  • 15°
  • $ 87,74
  • 95,76

Сыдыбыллар Тупсарыныы сылыгар үлэҕэ бырайыактары көмүскээтилэр

16:34, 11 марта 2016
Текст:
Читайте нас на
Яндекс Новости
ЯДВ

Соторутааҕыта Бүлүү улууһун Сыдыбыл нэһилиэгэр «Үүнэ-сайда тур, мин Чочум!» диэн Тупсарыныы сылыгар туһуламмыт социальнай бырайыактары көмүскээһин ыытылынна.


Муниципальнай тэриллии баһылыга Петр Догоюсов: «Бу сонун тэрээһин нэһилиэк олохтоох дьаһалтата уонна Уйбаан Гоголев-Кындыл аатын сүгэр орто оскуола салалтата биир уопсай сүбэнэн тэрийбит уонна көҕүлээн ыыппыт бырайыактара. Ол курдук, хас биирдии кыттааччы төрөөбүт нэһилиэгэр баар паамытынньыктары чөлүгэр түһэрииттэн саҕалаан, оҕо-ыччат сынньанар былаһааккаларыгар, Аҕа дойду сэриитин кыттыылаахтарын скверигэр тиийэ толкуйдаан, барыта 22 кэскиллээх бырайыак көмүскэннэ. Бырайыактары көмүскээһин түмүгүнэн орто оскуола саха тылыгар учуутала Нюргуяна Протопопова ыһыахтыыр түһүлгэни саҥардан оҥорууга бырайыага бастаата. Иккис миэстэни 3 кылаас үөрэнээччилэрэ төрөппүттэрин кытта оҥорбут оҕо былаһааккалара ылла. Үһүс миэстэҕэ Уйбаан Кындыл аатынан музей үлэһиттэрэ нэһилиэк историятыгар анаммыт пааматынньыгы сөргүтэр бырайыактара тигистэ», -диэн кэпсээтэ.

Тупсарыныы сылыгар анаммыт Бүлүү улууһун Сыдыбылын олохтоохторун оҕотуттан кырдьаҕаһыгар тиийэ түмпүт, сырдыкка уонна үйэллээххэ көҕүлээбит сонун тэрээһин өрөспүүбүлүкэҕэ бастыҥ холобур буолар кыахтаах.

Следите за самым важным и интересным в Telegram-канале и WhatsApp-группе ЯСИА