Өрөспүүбүлүкэ респираторнай вируснай инфекцияларынан ыалдьыы уочараттаах эпидемическай сезонугар киирдэ, диэн иһитиннэрэр Саха сирин доруобуйа харыстабылын министиэристибэтэ. Балаҕан ыйын 7-13 күннэригэр ыарыы икки төгүл үрдээһинэ бэлиэтэнэр — 7200-тэн тахса киһи медицина көмөтүн көрдөспүт, олортон 61%-на 14-гэр диэри саастаах оҕолор.
Лабораторнай мониторинг көрдөрөрүнэн, ыарыы түбэлтэлэрин 74%-тан тахса риновирустан үөскүүр. Күһүҥҥү өрө туруу салгын температурата намтаабытын уонна үлэ уонна үөрэх тэрилтэлэригэр каникул, уоппуска бүппүтүн кэннэ вирустар көхтөөхтүк атастаһыыларын кытта сибээстээх.
Доруобуйа харыстабылын министиэристибэтэ икки бөлөххө холбоммут профилактика боростуой быраабылаларын санатар: 3 «Р» уонна 3 «П». 3 “Р” — илиигитин мэлдьи 30 сөкүүндэттэн итэҕэһэ суох мыыланан сууйуҥ, тыынар гигиенаны тутуһуҥ уонна бастакы бэлиэлэригэр дьиэҕитигэр хаалыҥ, бэйэҕит билэргитинэн эмтэммэккитигэр сүбэлииллэр. 3 “П” — дьиэлэри салгын киллэрн ыраастааҥ, дьон-сэргэ мустубут сирдэригэр сылдьыы бириэмэтин сарбыйыҥ уонна сэрэтэр дьаһаллары тутуһуҥ, ол иһигэр грипп утары вакцинация — көмүскэнии ордук көдьүүстээх ньымата.
Санатан эттэххэ, быйыл күһүн Россияҕа «гонконг» уонна сибиинньэ тумуутун саҥа штаммалара күүтэллэр.
