Ааспыт өрөбүллэргэ полицияҕа тэйиччиттэн түөкүннээһин туһунан икки сайабылыанньа киирдэ. Ол туһунан ИДЬМ Саха сиринээҕи пресс-сулууспата иһитиннэрэр.
Дьокуускай куорат 29 саастаах олохтооҕо бэйэтин үбүн-харчытын криптовалютаҕа ууран үлэлии сатаабыт. Биллибэт куратор ыйыытынан ыйыллыбыт счеттарга 100 тыһыынча солкуобайы бэйэтин харчытын көһөрбүт.
Дьокуускай куорат 25 саастаах олохтооҕор, АБДь кыттыылааҕын огдооботугар, аферистар ФСБ үлэһиттэрин сирэйдэнэн эрийэн, кыбартыыратын атыылыырга уонна курьерга 13 мөл.солк. тахса харчыны биэрэргэ итэҕэттилэр.
«Ытыктабыллаах гражданнар, ханнык да биричиинэнэн билбэт дьоҥҥут ыйыыларынан үп-харчы дьайыыларын толорумаҥ, кимнээх да буоллун. Болҕомтолоох буолуҥ!»- диэн ИДЬМ-га тоһоҕолоон бэлиэтээтилэр.
