14 От ыйа 14.07
  • 19°
  • $ 87,74
  • 95,76

Суруллубукка эргиллэн: Туһаныллыбат ходуһаны суут нөҥүө былдьатыахха сөп дуо?

15:19, 15 марта 2018
Текст:
Читайте нас на
Яндекс Новости
ЯДВ

Саха Өрөспүүбүлүкэтин Ил Дархана Е.А. Борисов бу ыйга Мэнэ Хаҥалас улууһун Тумулугар тыа хаһаайыстыбатын боппуруостарыгар ыыппыт мунньаҕар оттуур ходуһалары бэрээдэктээһин көрүллүбүт. Ол туһунан «Сахамедиа» холдинг былаһааккаларыгар Аграфена Кузьмина суруйда. Онно мин бэйэм санаабын этэргэ сананным.


Билиҥҥи кэмҥэ чааһынай бас билиигэ сылдьар ходуһалаах үгүс киһи үчүгэй олоххо тардыһан, улуус кииннэригэр уонна киин куоракка көһөн олохсуйар. Ити аныгы олох ирдэбилэ. Итини таһынан, тыа сиригэр сүөһү-сылгы ииттибэт нэһилиэнньэ араҥата элбээн иһэр. Чааһынай сир – киһи хамнаабат баайа. Кини сирин атыылыыр бырааптаах, итини таһынан түүлээһиҥҥэ биэриэн сөп. Россия сиргэ сыһыаннаһыыларын сокуоннарыгар сирдээх киһи хайаан да бэйэтэ туһаныахтаах диэн ыйыы суох.

Туһаныллыбат сири суут нөҥүө эрэ былдьанар. Судаарыстыбаннай, эбэтэр муниципальнай орган бэрэбиэркэтин кэмигэр оттуур ходуһа туттуллубата дакаастанан сирдээх хаһаайын административнай эппиэтинэһи сүкпүтүн кэннэ, 3 сылтан ордук бу сир туһаныллыбатаҕына, дьыала суукка бэриллэр. Российскай Федерация Бырабыыталыстыбатын уурааҕынан тыа хаһаайыстыбатын сирдэрин туһаныллыбатын туоһулуур кэрэһиттэр бигэргэнэн тураллар. Холобур ходуһа оттоммотун таһынан, ойуур маһынан уонна талаҕынан саба үүнүүтэ сир иэнин 30% үөһээ уонна дулҕанан бүрүллүү, уутуйуу сир иэниттэн 20 % ордук буоллахтарына, туһаныллыбат сирдэр ахсааннарыгар киирэллэр. Маны барытын толору быһаарыы уустуктаах. Онон, ходуһа туһаныллыбатын дакаастыыр ыарахан.

Сирдэрин иэнин кэҥэтэр баҕалаахтар тустаах сирэйдэртэн атыылаһан, эбэтэр түүлэһэн ылыахтаахтар. Туһаныллыбат сири олохтоох дьаһалта кэтиир органнары кытта бииргэ үлэлээн суут нөҥүө былдьыан сөп.

Следите за самым важным и интересным в Telegram-канале и WhatsApp-группе ЯСИА
Тутаах тыллар