28 Тохсунньу 28.01
  • -48°
  • $ 73,82
  • 83,32

Сунтаарга тутууга инники күөҥҥэ сылдьаллар

17:05, 17 октября 2016

«Эдэр ыаллары олорор дьиэнэн хааччыйыы» тус сыаллаах бырагыраамаҕа олоҕуран, соторутааҕыта Сунтаар улууһун 22 эдэр ыалыгар саҥа дьиэ тутталларыгар анаан сертификаттары туттартаабыттара.


Сунтаар улууһун үрдүнэн уопсайа 200-тэн тахса сайаапка киирбититтэн, быйыл 22 ыал үбүнэн көмө ылары ситиһэн, Сунтаар нэһилиэгиттэн 15, Тэҥкэттэн 1, Сиэйэттэн 1, Илимнииртэн 2, Хадантан 2, Бордоҥтон 1 ыалга тигистэ. Былырыын 33 ыал сертификакка тиксибит. Оттон «Хаарбах дьиэлэртэн дьону көһөрүү» бырагырааматын чэрчитинэн, соторутааҕыта улуус киинигэр Партизанскай уулуссаҕа 24 кыбартыыралаах уопсай дьиэ тутуллан үлэҕэ киллэриллибитэ.

Оҕо саадтарын тутууга улахан болҕомто ууруллан, бу күһүн Бартыһаан түөлбэтигэр 80 миэстэлээх оҕо саада тутуллубута. Химия буолатыгар Цеолит уулуссаҕа 240 миэстэлээх оҕо саада тутулла турар. С.А.Зверев-Кыыл Уолун аатынан 350 миэстэлээх духуобунас уонна култуура киинин тутуу бастакы түһүмэҕэ бүтүөхтээх.

0
0
28 января 28.01
  • -48°
  • $ 73,82
  • 83,32