24 От ыйа 24.07
  • 28°
  • $ 87,3
  • 95,46

Сунтаарга дьыссааттары тутууга күүстээх үлэ барар

13:02, 29 февраля 2016
Текст:
Читайте нас на
Яндекс Новости
ЯДВ

Ааспыт сыл түмүгүнэн улууспут үгүс үөрэҕин кыһалара элбэх ситиһиилэннилэр. Холобур «Чебурашка» оҕо уһуйаана Бүтүн Россиятааҕы күрэххэ кыттан, кыайыылаах аатын сүктэ.


Аҕыйах сыллаахха диэри улууспутугар 480 оҕо дьыссаатынан хааччыллыбат эбит буоллаҕына, билигин балаһыанньа биллэ тубуста. Путин сорудаҕын толорон, оҕолор бары тэрилтэнэн хааччылыннылар. Билигин саҥа оҕо уһуйааннарын тутууга күүстээх үлэ барар. Кутана нэһилиэгэр 80 миэстэлээх оҕо уһуйаана тутуллан үлэлии турар. Улуус киинигэр бу күннэргэ эмиэ 80 миэстэлээх уһуйаан үлэҕэ киириэҕэ.

Маар Күөлгэ «Үтүө дьыала» хамсааһын чэрчитинэн саҥа оскуола дьиэтин тутуута саҕаламмыта. 2017 сылга Кириэстээх оскуолатын тутуута саҕаланыаҕа. Оттон Уһун Күөл оскуолата эһиил тутуллара быһаарылынна. Билигин Сунтаардааҕы политехническай лицей-интернат саҥа объегын тутарга кэпсэтии ыытыллар.

Улуустааҕы үөрэх управлениетын начальнига Г.М. Еремеев:  «Ааспыт үөрэх сылыгар сүрүн болҕомто үтүөлээх учууталлар Б.Н. Андреев, Г.Е. Бессонов, Н.И. Иванов-Куола Учуутал төрөөбүттэрэ 100 сыллаах үбүлүөйдэригэр уурулунна. Тойбохой, Күндэйэ орто оскуолалара ааспыт сылга анал граннары туттулар. Педагогтар сүрүн сыалларынан олоххо бэлэмнээх эдэр дьону иитэн таһаарыы буолар. Оҕолору художественнай, эстетическэй уо.д.а. хайысхаларга сүрүннээн дьарыктыыбыт. Эбии үөрэхтээһиҥҥэ күүстээх болҕомтону ууруохпут», — диир.

Улууска эбии үөрэхтээһининэн 258 инбэлиит, доруобуйаларынан хааччахтаах оҕо дьарыктанар. Кинилэр үөрэнэллэригэр, сайдалларыгар табыгастаах усулуобуйаны оҥорорго үөрэх үлэһиттэрин кыһамньытын бэлиэтиибит.

Сунтаардааҕы политехническай лицей-интернат дириэктэрэ О.К. Сосин ааспыт сыллааҕы үлэтиттэн маннык кэпсээтэ: «Лицейгэ «Ай-Сатаа» технопарк аһыллыбыта. Манна оҕолор 3 D моделированиенан, роботы оҥоруунан уо.д.а. саҥа технологиялары туһанар эйгэҕэ үлэлэһэллэр. Маны таһынан ювелирнай дьыала, тааһы оҥоруу, «Уус кыһата» бааллар. Сүрүн болҕомтону инженернэй-техническэй хайысхаҕа уурабыт. Улууспутугар бу хайысхаҕа биһигини кытта тэҥҥэ Бүлүүчээннээҕи лицей күүскэ ылсан үлэлэһэр».

Следите за самым важным и интересным в Telegram-канале и WhatsApp-группе ЯСИА