22 Тохсунньу 22.01
  • -48°
  • $ 73,82
  • 83,32

Сунтаардар буксирынан хааччыллыахтара

15:41, 08 февраля 2016
Текст:

Дьокуускайтан Сунтаарга Бүлүү федеральнай суолунан айаннааччылар сайыҥҥы өттүгэр Бүлүү өрүһү үстэ туоруулларын таһынан, өссө Марханы туорууллар. Улуус иһигэр эмиэ маннык хартыына.

Түбэйдэр Сунтаарга киирэллэригэр өрүһү иккитэ, оттон хаданнар биирдэ туорууллар. Онон паром боппуруоһа сайын ахсын олохтоохторго тыын суолталаах кыһалҕаҕа кубулуйар.

Хадаҥҥа сопхуос саҕаттан үлэлээн кэлбит уу суудуната лаппа эргэрэн, сыл ахсын сап саҕаттан салҕанан үлэлиир. Онон олохтоохтор саҥа парому туруорсубуттара ыраатта.

Ситэриилээх былаас отчуотугар бырабыыталыстыба чилиэннэрин көрсөөрү хаданнар Бордоҥҥо анаан-минээн кэлэннэр, хас да сылы быһа салгыҥҥа ыйанан турбут боппуруостара, дьэ, быһаарыллар чинчилэннэ.

Ол курдук Хадан нэһилиэгин куратора, СӨ тырааныспарга уонна суол хаһаайыстыбатыгар министиэристибэтин үлэһитэ Борис Романов туруорсуутунан биир буксир быйыл Сунтаар улууһугар кэлэр буолбут. Ол эрээри сунтаардарга анаммыт буксир чопчу ханнык нэһилиэк бас билиитигэр киирэрин улуус баһылыга Анатолий Григорьев бэйэтэ быһаарыахтаах.

0
0
22 января 22.01
  • -48°
  • $ 73,82
  • 83,32