Сунтаар улууһугар сокуоннай саастарын ситэ илик оҕолор дьыалаларыгар хамыыһыйа уонна ПДН учуотугар турар оҕолор сайын дьарыктаах буолалларыгар үлэ күүскэ ыытыллар. Учуокка турар 60 оҕоттон быйыл сайын 45 оҕо араас лааҕырга сылдьыаҕа.
Сокуоннай саастарын ситэ илик оҕолор буруйу оҥорууларын сэрэтэр соруктаах сынньалаҥҥа Сунтаардааҕы профессиональнай лицей, Күүкэй, Куокуну, Сунтаар 2 №-дээх орто оскуолаларын сынньалаҥ уонна доруобуйаны чэбдигирдэр лааҕырдарын бэлиэтиэххэ сөп.
Кэнники сылларга улууска биэдэмэстибэлэр икки ардыларынааҕы лааҕырдар арыллар буоллулар. Холобур, «Патриот» лааҕыры оҕолор улаханнык биһирииллэр. Былырыын 20 оҕо сынньаммыта. Манна сайынын атаарыан баҕалаах оҕо элбэҕинэн, быйыл үс сезоҥҥа 60 үөрэнээччини хабарга былаанныыллар.
Ону сэргэ, улуустааҕы ГАИ-лыын дуогабардаһан, уолаттарга лааҕыр арыйыахтара. Ол эбэтэр, Устье с. орто оскуолатын базатыгар 16 саастаах оҕолор үөрэнэн, мотоцикл ыытарга быраап ылыахтарын сөп. Быйыл 25 оҕо сынньаныаҕа.
