17 От ыйа 17.07
  • 20°
  • $ 88,28
  • 96,26

Сунтаар учууталлара истиҥ тыллардаах аккырыыкка туттулар

09:42, 06 октября 2019
Текст:
Читайте нас на
Яндекс Новости
ЯДВ

Сунтаардааҕы оҕо дьоҕурун сайыннарар киин сыллата Учуутал күнүн көрсө «Учууталгын эҕэрдэлээ» диэн аахсыйаны тэрийэн ыытар. Үөрэх тэрилтэтин дириэктэринэн Антонова Ангелина Владимировна үлэлиир.


Сунтаар оҕолорун дьоҕурдарын сайыннарар киин үлэтин киэҥ былааннаахтык тэрийэр. «Учууталгын эҕэрдэлээ» аахсыйа хаһыс да сылын ыытыллар. Элбэх учуутал махталын ылар хамсааһын туһунан киин дириэктэрин иитэр үлэҕэ солбуйааччыта Айна Павловна Яковлева бу курдук билсиһиннэрдэ:

— Учуутал күнүн көрсө Графическай дизайн уонна БИТ компьютернай кулууп эдэр педагогтара Варвара Иванова, Егор Мурзабаев үөрэтэр, дьарыктыыр оҕолорун кытта бэйэлэрэ оҥорбут, бэчээттээбит аккырыыккаларын тарҕаттылар. Аахсыйа бастакы эҕэрдэлэрин аҕам саастаах бэтэрээн учууталлар туттулар. Салгыы истиҥ тыллаах аккырыыккалары улуус үгүс учууталлара тутан, идэлээх бырааһынньыктарын үөрэ-көтө бэлиэтээтилэр. Оҕолор тэрилтэ үлэһиттэригэр сылдьан аккырыыккалары толоттороллор. Дьон-сэргэ үөрэппит учууталларыгар истиҥ тылларын суруйаллар, оҕолор ону үөрдэ-көтүтэ илдьэн туттараллар. Бу учуутал үрдүк аатыгар сүгүрүйүү, махтал биир бэлиэтэ буолар.

Сунтаардааҕы Оҕо дьоҕурун сайыннарар киинэ билиҥҥи төлөппүөн,интернет үйэтигэр ис сүрэхтэн суруллубут тыллардаах эҕэрдэ илдьитин толкуйдаабыта — аккырыыкканы суруйааччыга, тутааччыга ураты умнуллубат иэйиини, долгуйууну бэлэхтиирэ саарбаҕа суох.

Ааптар: Юлия АЛЕКСЕЕВА, СУНТААР.

Следите за самым важным и интересным в Telegram-канале и WhatsApp-группе ЯСИА