18 Тохсунньу 18.01
  • -48°
  • $ 73,82
  • 83,32

Сунтаар "Сардаанатыгар" саҥа бөлөх эбилиннэ

11:09, 29 апреля 2016
Текст:

Сунтаарга «Сардаана» оҕо саадыгар доруобуйаларынан хааччахтаах  оҕолор сылдьалларыгар аналлаах бөлөх үөрүүлээхтик арылынна.


140 иитиллээччи 5 бөлөххө доруобуйаларын тупсарар, сайдар хайысханан дьарыктаналлар. Кэлэктиип 54 үлэһиттээх. Кинилэртэн 22-тэ педагогтар. Оҕо саадыгар музыкальнай салайааччы, физкултуураҕа инструктор, педагог-психолог, логопед, хореограф, массажист, эмп үлэһиттэрэ, эбии үөрэхтээһин педагогтара идэлээх специалистар бааллар. Кырачааннарга маннык студиялар уонна куруһуоктар үлэлииллэр: «Кыымчаан» вокальнай үҥкүү, саахымат, «Сонор», «Неболейка», «Саһарҕа», «Зайчонок», английскай тыл.

Дьыссаат ситиһиитэ элбэх: 2015 сыллаахха «Лучший сельский детский сад года-2015» өрөспүүбүлүкэтээҕи куонкуруска «Признание общественности» номинация, «Лучшая оздоровительная программа» номинация кыайыылаахтара буолбуттар. Улуу Кыайыы 70 сыллаах үбүлүөйүгэр улуустааҕы көрүү куонкуруска «Лучшая строевая песня» номинацияҕа тиксибиттэр. С. Коротова «Бриллиантовые нотки» норуоттар икки ардыларынааҕы уруһуй куонкуруһугар дипломант үрдүк аатын ылбыт. Иитээччилэр тэрилтэлэр икки ардыларыгар ыытыллыбыт хоровой ырыа күрэхтэһиитигэр Гран-при хаһаайына буолбуттар. «Кыымчаан» ансаамбыл «Полярная звезда» куонкуруска кыттан I истиэпэннээх дипломант аатын ылбыт.

Саҥа аһыллыбыт «Эрэл» бөлөх 12 миэстэлээх.

Саҥа бөлөҕү аһыы сиэрин-туомун Саха АССР култууратын үтүөлээх үлэһитэ, Сунтаар улууһун Бочуоттаах гражданина, алгысчыт И.Ф. Васильев толордо. Чиккэччи тардыллыбыт кыһыл лиэнтэ быһа кырылынна. Бу күн ыҥырыылаах ыалдьыттар бары өттүк харалаах, илии тутуурдаах кэлбиттэр. Оҕо саадын сэбиэдиссэйэ Марина Семеноваҕа ис сүрэхтэн тахсар истиҥ, сылаас тыллары анаатылар, саҥа бөлөх сайдарыгар, доруобуйалара мөлтөх оҕолор эрчиллэллэригэр анаан араас бэлэхтэри-туһахтары, наадалаах тэриллэри бэлэхтээтилэр. Кэрийэ сылдьан оҕолор эрчиллэр, үөрэнэр хосторун, араас оонньуурдарын көрдүлэр.

0
0
Тутаах тыллар
18 января 18.01
  • -48°
  • $ 73,82
  • 83,32