18 Тохсунньу 18.01
  • -48°
  • $ 73,82
  • 83,32

Сунтаар музейыгар "Спектрдар" быыстапка тэрийдилэр

Сунтаардааҕы политехническэй интэринээт-оскуола улууска биллэр үлэлээх үөрэх тэрилтэтэ. Манна дириэктэринэн Олег Сосин таһаарыылаахтык үлэлиир. Кини үөрэнээччилэр үөрэх кэннэ дьарыктарын таба туһаналларыгар улахан болҕомтотун уурар.


Лисиэйгэ «Спектр» диэн айар устуудьуйа түөрт хайысханан үлэлээбитэ 20-с сыла. Ол курдук, уруһуйга, быысапкаҕа, «Полиграфист», «Академическай ойуу» бырайыактарга оҕолор дьарыктаналлар. Устуудьуйаны уруһуй уонна технология учуутала, Россия худуоһунньуктарын уонна худуоһунньуктар норуоттар икки ардыларынааҕы айар сойуустарын чилиэнэ, СӨ үөрэҕириитин туйгуна Галина Федотова салайар.

С.А.Зверев аатынан музейга бу устуудьуйаҕа дьарыктанар быйыл оскуоланы бүтэрэр уонна тохсус кылаас кэнниттэн идэлэрин бу хайысханан талбыт биэс үөрэнээччи үлэлэрин быыстапката тэрилиннэ. Васильев Альберт, Иванов Владимир, Иванова Сандаара, Саввинова Айта, Тихонова Алена үлэлэрин дьон-сэргэ кэрэхсии, биһирии көрдүлэр.

IMG_3438

«Музейга улууска, өрөспүүбүлүкэҕэ ыытыллар араас таһымнаах куонкурустарга ситиһиилээхтик кыттыбыт үлэлэр туруорулуннулар. Маны сэргэ устуудьуйаҕа дьарыктанар атын оҕолор үлэлэрэ эмиэ истиэнэбитин толордулар. Тус быыстапкаларын туруорбут айар куттаах ыччаттарбытыгар махтанан туран сертификат туттардыбыт», — диэн музей үлэһитэ Эмма Васильева кэпсээтэ.

IMG_3442

0
0
18 января 18.01
  • -48°
  • $ 73,82
  • 83,32