30 Кулун тутар 30.03
  • -16°
  • $ 92,37
  • 99,53

Сунтаар Кириэстээҕэр окко киирдилэр

11:59, 26 июля 2016
Текст:
Читайте нас на
Яндекс Новости
ЯДВ

Сунтаар улууһун «Кириэстээх» ТХПК-ҕа 4 звено тэрилиннэ. Куокунуга икки звено ходуһаларга бастакы от рулоннарын бэлэмнээтилэр.


Тэҥкэ Оторууһугар Владимир Тороп, Хомустаахха Март Дорофеев механизированнай звенолара көһөн киирэн, охсууну саҕалаан эрэллэр. Быйыл улахан ходуһаларга от үүнүүтэ мөлтөх да буоллар, кириэстээхтэр күөх быйаҥтан ылбалыыр былааннаахтар.

От ыйын 25 күнүнээҕи туругунан нэһилиэккэ 85 киһи окко киирэн, 165 га сири оҕуста, 28 тонна кээһилиннэ.

Оттон сайылыктарыгар икки ыанньык үлэлиир. «Бордоҥҥо» Алтай 169 боруода ынаҕыттан күҥҥэ 1 т 900 кг үүт ыанар. «Сыстаҥҥа» 72 симментал боруода 560 кг үүтү биэрэр. «Юбилейнай» сайылыкка 170 ньирэйи көрөллөр. Бу ыйга 18 кг эбиллиини ылбыттар.

Бу күннэргэ хаһаайыстыба Үөһээ Бүлүү «Нам» ХЭТ кытта 96 төбө симментал боруода ынахтары «калмыктарга» атастастылар.

Следите за самым важным и интересным в Telegram-канале и WhatsApp-группе ЯСИА