24 От ыйа 24.07
  • 28°
  • $ 87,3
  • 95,46

Судаарыстыбаннас күнүнээҕи ат сүүрдүүтэ. Мэҥэ хаҥаластар сүрүн бирииһи ыллылар

10:01, 28 сентября 2020
Текст:
Читайте нас на
Яндекс Новости
ЯДВ

АГАТУ ипподромугар бу сылга түмүктүүр ат сүүрдүүтэ буолла. Көрөөччүтэ суох, онлайн-эрэһиимҥэ ыытылынна, Судаарыстыбаннас күнүгэр ананна. Өрөспүүбүлүкэ бырабыыталыстыбатын бэрэссэдээтэлин бирииһин Мэҥэ Хаҥаластан Кылбар ылла, “Дербины” Хаҥаластан Түмэн, СИА суруйар.


Өрөспүүбүлүкэ бэрэссэдээтэлин бирииһигэр — бастакы уонна саамай уһун дистанцияҕа 10 000 м түөрт уонна онтон үөһэ саастаах аттар кииристилэр. Старт-массыынаҕа 5 сүүрүк таҕыста. Саҕаланыытыгар бары тэҥҥэ иһэн, мэҥэ хаҥаластар аттара Кылбар инники тахсар уонна бастыыр. Жокей – Егор Оконешников. Иккискэ — Самныбат Амматтан, үһүскэ – Күндээр Мэҥэ-Хаҥаластан. Төрдүс – Сарыал Амматтан.

Бырабыыталыстыба салайааччыта Андрей Тарасенко тус бэйэтэ эҕэрдэлээтэ, бирииһи туттарда.

“Элбэх улуустан кыттыбыттара олус үчүгэй, бу киэн туттуу уонна оройуоттарга сылгыны иитии салаата сайдыбытын көрдөрөр», — диэн бэлиэтээтэ кини.

Иккис дистанция — 1600 м. Икки саастаахтарга уонна Саха сиригэр төрөөбүт чыыстай боруодаларга. Түөрт ат кытынна. Тыҥааһыннаах киирсии кэннэ Дрим Шот Мэҥэ Хаҥалас ата кыайда. Жокей – Виталий Петров. Иккискэ Нумизматик, үһүскэ — Ассамблея таҕыстылар, Үөһээ Бүлүү улууһун сүүрүктэрэ. Тыа хаһаайыстыбатын министиэристибэтэ сүрүн бирииһи туттарда.

2000 м дистанцияҕа 3 саастаах Саха сиригэр төрөөбүт чыыстай боруодаларга буолла. Социалистическай үлэ Геройа Афанасий Егорович Степанов бирииһэ оонньонно. Үс ат кытынна. Ньурбаттан Марокко бастаата. Жокей – Семен Гаврильев. Иккис — Литл Лайт, Амма, үһүс — Тускул, Чурапчы улууһа.

Салгыы 3 уонна онтон үөһэ саастаах чыыстай боруодаларга классикаҕа 2400 м старт биллэрилиннэ. Бирииһи тыа хаһаайыстыбатын министиэристибэтэ туттарда. Үс ат кииристэ. Мэйзи Кинг, Амма улууһа кыайда, жокей Спиридон Тимофеев. Блэк Джет, Мэҥэ Хаҥалас иккистээтэ, Анкэнди Чурапчы үсүһүнэн кэллэ.

Саамай элбэх кыттааччылаах киирсиинэн 3 саастаах чыыстай боруодаларга 2400 м буолла. “Дерби” бирииһэ оонньонно, 9 ат стартка таҕыста. Түмэн, Хаҥалас ата бастаата, жокей Дмитрий Кычкин. Николь, Мэҥэ Хаҥаластан иккистээтэ, Губернатор, Чурапчыттан үһүстээтэ. Төрдүһүнэн Армада, Мэҥэ Хаҥалас кэллэ.

3200 м үс уонна онтон үөһэ саастаахтар чыыстай боруодалар кииристилэр. Тыа хаһаайыстыбатын министиэристибэтэ бирииһи туруорда. Түөрт ат стартка таҕыста.

1 миэстэ — Майн Кениг (Чурапчы), жокей Анатолий Куличкин. 2 миэстэ — Конкистадор (Сунтаар), 3 миэстэ — Джафар (Хаҥалас).

Следите за самым важным и интересным в Telegram-канале и WhatsApp-группе ЯСИА