13 От ыйа 13.07
  • 17°
  • $ 87,74
  • 95,76

Сергей Черных: Ил Дархан ыйааҕа ыччат ийэ дойдутугар бэриниилээх буолуутун күүһүрдүө

Читайте нас на
Яндекс Новости
ЯДВ

ДОСААФ регионнааҕы салаатын бэрэссэдээтэлэ Сергей Черных этэринэн, Айсен Николаев сэтинньи 20 күнүгэр таһаарбыт «Биһиги — Россия кэскилэбит! туһунан бырайыак» ыйааҕа кэмигэр таҕыста уонна олус көдьүүстээх. Ыччат төрөөбүт дойдутугар бэриниилээх буолуутун саҥа таһымҥа таһаарар кэм кэллэ, диир кини.


«Ыйаах тахсыытын туһунан сонун үөрдэр эрэ. Байыаннай патриотикаҕа эмиэ болҕомто ууруллар буолла. Ыччаты төрөөбүт дойдутугар бэриниилээх буолуутугар туһаайыыны саҥа таһымҥа таһаарар кэм кэллэ. Дойду Улуу Кыайыы 75 сыллаах үбүлүөйүгэр бэлэмнэнэр кэмигэр, историяны токурутуу син биир салҕанан бара турар. ДОСААФ регионнааҕы салаата уонна мин тус бэйэм Ил Дархан быһаарыытын үөрэ көрсөбүт», — диэтэ Сергей Черных.

Бырайыак оҕону уонна ыччаты өй-санаа уонна ийэ дойдутугар бэриниилээх буолуутугар туһаайар. Ыйаахха олоҕуран, Саха сирин судаарыстыбаннай бэлиитикэтэ — Россия гражданинын бары өттүнэн тэҥинэн сайдыылаах уонна тус эппиэтинэстээх, дьиэ кэргэнин, уопсастыба уонна дойду иннигэр сайдарга уонна үлэлииргэ бэлэм патриоту иитэн таһаарыы буолар.

Бырайыак судаарыстыба, наука, уопсастыбаннай институттар уонна дьон киһини иитиигэ бииргэ үлэлииллэригэр саҥа киэби тэрийиэ.

Следите за самым важным и интересным в Telegram-канале и WhatsApp-группе ЯСИА