Полярник күнүн көрсө, транспорт кластерын кэллиэстэрин уонна университеттарын устудьуоннарын кытта Саха сирин хоту оройуоннарын транспорт инфраструктуратын сайыннарыыны дьүүллэстилэр.
Көрсүһүү кыттыылаахтарыттан үгүстэрэ Арктика кэскилин кытта сибээстээхтэр. Биһиги эдэр дьоммут көхтөөхтүк кыттан, транспорт эйгэтин сайыннарыыга хорсун, аныгы быһаарыылары киллэрэллэрэ ордук сыаналаах.
Сотору кинилэр Арктика оройуоннарыгар улахан бырайыактары олоххо киллэриигэ, саҥа объектары уонна транспорт узелларын тутууга кыттыахтара.
«Саха Арктиката» регионнааҕы уопсастыбаннай тэрилтэҕэ уонна Арассыыйа Полярниктарын ассоциациятын регионнааҕы салаатыгар тэрээһини ыыппыттарыгар махтанабын. Иннибитигэр улахан бииргэ үлэлээһин уонна Арктика сайдыытын саҥа кэскиллэрэ күүтэллэр, диэн ыччат миниистирэ Петр Шамаев МАХ-ханаалыгар суруйда.
