12 Атырдьах ыйа 12.08
  • 16°
  • $ 60,62
  • 62,52

Саха сирин устудьуоннара тыа хаһаайыстыбатыгар ыччаты сыһыарыыга бырайыак оҥордулар

Саха сирин хамаандата «Молодое поколение агронят» бырайыагы «RAISE» социальнай көҕүлээһин бүтүн Россиятааҕы акселераторыгар көмүскээтэ. Устудьуоннар үлэлэрэ ыччаты тыа хаһаайыстыбатын эйгэтигэр сыһыарыыга ананна.


Агропромышленнай комплекс уонна тыа хаһаайыстыбатын сайдыыта дойдуга биир күөн тутуллар хайысха. Ордук болҕомто тыа сирин сайдыытыгар, нэһилиэнньэҕэ социальнай экосистиэмэ тутуутугар, итиэннэ эдэр ыччаты иитиигэ туһуланар.

Саха сирин вице-премьера Ольга Балабкина сорудаҕынан, өрөспүүбүлүкэ хамаандата «RAISE» бүтүн Россиятааҕы акселератордар куонкурустарыгар кытынна. Устудьуоннар «Молодое поколение агронят» бырайыагы көмүскээтилэр.

Бырайыак агропромышленнай комплекска ыччат интэриэһин туһулааһыҥҥа уонна үлэ усулуобуйатыгар адаптацияны ааһыыга ананна.

Кураторынан социальнай хайысхаҕа стратегияческай көҕүлээһиннэр ааҕыныстыбаларын уопсастыбаннай бэрэстэбиитэлэ Роза Олесова үлэлээтэ.

Хамаандаҕа Михаил Донской (филфак ХИФУ), Айна Петрова (Педагогическай колледж), Анастасия Петрова (история факультета ХИФУ) бааллар.

Следите за самым важным и интересным в Telegram-канале и WhatsApp-группе ЯСИА
0
0