24 Ыам ыйа 24.05
  • -7°
  • $ 104,68
  • 115,6

Саха сирин хамаандата ГТО оонньуутун финалыгар киирдэ

15:03, 10 декабря 2021

Саха сирин хамаандата Белгород куоракка «ГТО оонньуулара» бэстэбээл сүүмэрдиир түһүмэҕэр ситиһиилээхтик кытынна. Илья Тимофеев, Александра Барашкова, Иван Ануфрьев, Евгения Сентизова, Николай Филиппов уонна Арина Югова 38 хамаандаттан 13 миэстэ буолуллар, онон финалга күрэхтэһэр чиэскэ тигистилэр диэн, Sportyakutia.ru биллэрэр.

Ахсынньы 9 күнүгэр Белгород куоракка «Үлэҕэ уонна оборонаҕа бэлэм буолуу» бүтүн Арассыыйатааҕы физкультурнай-спортивнай комплекс бэстэбээл үөрүүлээх аһыллыыта буолан ааста.

Күрэхтэһии үс түһүмэҕинэн ыытыллар: ахсынньы 9 күнүгэр «Гонки ГТО» хамаанданан сүүмэрдэнэр түһүмэх. Бүгүн, ахсынньы 10 күнүгэр, — «Иду на рекорд!» биэс дисциплинаҕа, ону таһынан «Гонки ГТО» туһунан күрэххэ финалын чиэппэрэ.

Финалист-хамаандалар:

Белгородскай уобалас

Санкт- Петербург

Челябинскай уобалас

Самарскай уобалас

Ямало- Ненецкэй автономнай уокурук

Сахалин уобалаһа

Брянскай уобалас

Коми Республиката

Москва

Татарстан Республиката

Ханты- Мансийскай автономнай уокурук

Калужскай уобалас

Саха Республиката

Пермь кыраайа

Ленинград уобалаһа

Ульяновскай уобалас

«ГТО» күрэҕэ биэс түһүмэхтээх

Эр дьоҥҥо:

бастакы түһүмэх – турар миэстэҕиттэн 180 см ырааҕы ыстаныы;

иккис түһүмэх – сиртэн отжмимание (25 хатылааһын);

үһүс түһүмэх – 16 кг гиирэни көтөҕүү  (20 хатылааһын);

төрдүс түһүмэх — сытан эрэ көхсүгүн көтөҕүү (30 хатылааһын);

бэһис түһүмэх— үрдүк перекладинаҕа тардыныы (10 хатылааһын).

Дьахталларга:

бастакы түһүмэх – турар миэстэҕиттэн 150 см ырааҕы ыстаныы;

иккис түһүмэх – сиртэн отжмимание (10 хатылааһын);

үһүс түһүмэх – илиитигэр 8 кг гиирэлээх олорон туруу (15 хатылааһын);

төрдүс түһүмэх — сытан эрэ көхсүгүн көтөҕүү (20 хатылааһын);

бэһис түһүмэх — намыһах перекладинаҕа тардыныы (8 хатылааһын).

Ахсынньы 11 күнүгэр саамай күүстээхтэр, түргэннэр уонна сымсалар киирсиэхтэрэ. Бэстэбээл субуотаҕа «гонки ГТО» хамаанданан уонна туһунан финалынан түмүктэниэҕэ. Тэрээһин үөрүүлээх сабыллыытыгар кыайыылаахтар ааттарын «ГТ рекордун кинигэтигэр» киллэриэхтэрэ.

Следите за самым важным и интересным в Telegram-канале и WhatsApp-группе ЯСИА
0
0