Саха сирин тустууктара көҥүл тустууга Россия чемпионатын иккис күнүгэр хоттордулар. Сэттэ бөҕөс кииристэ. Утарылаһааччылара финалга тахсар түбэлтэлэригэр, уолаттар «утешительнай» киирсиигэ киириэхтэрэ, суруйар СИА.
Россия чемпионата бу күннэргэ Дагестаҥҥа буола турар. Дойду регионнарыттан күүстээх бөҕөстөр кытталлар, ол иһигэр Олимпиада, аан дойду, Европа кыайыылаахтара.
Иккис күн саха тустууктара 61 уонна 70 кг диэри кииристилэр. Уйгулаан Иванов (61 кг) бастакы эргииргэ Аслан Коштаны (5:3) кыайар, ити эрээри «четвертьфиналга» Алик Хадарцевка (0:3), Осетия, хотторор.
Станислав Свинобоев икки эргииргэ кииристэ. Бастакытыгар Гадир Годжаевы, Красноярскай, хотор, салгыы Мохмад Насирхаевка, Дагестан, хотторор.
Федор Постников уонна Харысхал Григорьев 57 кг диэри эмиэ ааспаттар.
Бэс ыйын 22 күнүгэр көбүөргэ тахсаллар — Саха сирин сүүмэрдэммит хамаандатын хапытаана Ньургун Сергин уонна Никита Софронов. Тустуу Саха сирин бириэмэтинэн 17 чааска саҕаланар.
Иккис күн түмүгэ, 61 кг диэри:
Магомедрасул Дагиров (Дагестан) – Ньургун Терентьев (Саха сирэ) 9:2;
Александр Авелов (Саха сирэ) – Динислам Тахтаров (Дагестан) 5:10;
Петр Константинов (Саха сирэ) – Ахмед Зубайров (Пермскай кыраай) 2:5;
Яков Павлов (Оренбургскай уобалас) – Джабраил Гаирбеков (Москва) 1:6;
Уйгулаан Иванов (Саха сирэ) – Аслан Кошты (РСО-Алания) 5:3;
Уйгулаан Иванов (Саха сирэ) – Алик Хадарцев (РСО-Алания) 0:3;
74 кг диэри:
Джамал Маргушев (Крым) — Николай Сивцев (Саха сирэ) 10:4;
Станислав Свинобоев (Саха сирэ) — Гадир Годжаев (Красноярскай кыраай) 7:0;
Станислав Свинобоев (Саха сирэ) — Мохьмад Насирхаев (Дагестан) 3:6.
